ខេត្តបាត់ដំបង÷កម្លាំងនគរបាលស្រុកសង្កែ សហការជាមួយកម្លាំងនគរបាលព្រហ្មទណ្ឌខេត្តបាត់ដំបងបានរួមគ្នាបង្រ្កាបសង្វៀនបញ្ជល់មាន់មួយកន្លែង ឃាត់មនុស្ស៨នាក់ និងរឹបអូសវត្ថុតាងជាច្រើន។
ប្រតិបត្តិការបង្រ្កាបសង្វៀនបញ្ជល់មាន់មួយកន្លែងនេះប្រព្រឹត្តទៅនៅថ្ងៃទី ២៥ ខែ សីហា ឆ្នាំ ២០២១ វេលាម៉ោង ១១និង៣៩០នាទី ត្រង់ចំណុចភូមិបេង ឃុំអន្លង់វិល ស្រុកសង្កែ ខេត្តបាត់ដំបង។
មន្រ្តីនគរបាលស្រុកសង្កែបានឲ្យដឹងថា ដោយអនុវត្តតាមបទបញ្ជារបស់លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបងក៏ដូចជាយោបល់របស់លោកវរសេនីយ៍ឯក លឹម ពុទ្ធីឡាស្នងការរងផែនការងារនគរបាលព្រហ្មទណ្ឌ និងដោយបានការសម្របសម្រួលលើនីតិវិធីពី លោក កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផង លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការ បង្ក្រាបករណីល្បែងស៊ីសង( ភ្នាល់មាន់ជល់)នៅនៅនៅចំណុចខាងលើបាឃាត់ខ្លួនអ្នកប្រព្រឹត្ត ចំនួន ០៨ នាក់ នាំមកកាន់ស្នងការដ្ឋានដេីម្បីធ្វេីការសាកសួ។ ជាមួយគ្នាដែរ សមសមត្ថកិច្ចបានដកហូតវត្ថុតាងរួមមាន៖
- សង្វៀន សម្រាប់ជល់មាន់ចំនួន ០១
- ស៊ុម សម្រាប់ក្រុងមាន់ ចំនួន ០២
- មាន់ជល់ចំនួន ០២ ក្បាល
-និង ម៉ូតូចំនួន០៩ គ្រឿង ។
ប្រភពដដែលបានឲ្យដឹងទៀតថា
ក្រោយពេលសាកសួររួចការិយាល័យជំនាញកំពុងរៀបចំកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងដើម្បីចាត់ការតាមច្បាប់ ៕
ដោយ÷ប្រាថ្នា
