ខេត្តបាត់ដំបង៖ មនុស្ស០៦នាក់ត្រូវកម្លាំងក្រុមអន្តរាគមន៍បង្ការបង្ក្រាប ដឹកនាំដោយលោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាលបានចុះប្រតិបត្តិការបង្ក្រាប និងឃាត់ខ្លួនករណី ប្រមូលផ្តុំគ្នាលេងល្បែងស៊ីសងដោយខុសច្បាប់ ( ចាក់អាប៉ោង ) ។
លោកវរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល បានឲ្យដឹងថា កិច្ចប្រតិបត្តិការនេះធ្វើឡើងនៅវេលាម៉ោង ១៤និង៤២ នាទី កាលពីថ្ងៃទី ២៩ ខែសីហា ឆ្នាំ ២០២១ នៅចំណុចភូមិតាព្រាត ឃុំមុខរាហ៍ ស្រុករុក្ខគិរី ខេត្តបាត់ដំបង ។
សមត្ថកិច្ចបានឲ្យដឹងថាមនុស្សទាំង០៦នាក់ដែលឃាត់ខ្លួននោះមានឈ្មោះ
១- យឹម សារ៉េត ហៅ សួន ប៉ារ៉ា ភេទប្រុស អាយុ ៥៨ ឆ្នាំ មានទីលំនៅភូមិស្វាយអាត់ ឃុំស្នាមព្រះ ស្រុកបាកាន ខេត្តពោធិ៍សាត់
២- ឈ្មោះ ឈឺន រ៉ាង ភេទប្រុស អាយុ ៤៩ ឆ្នាំ មានទីលំនៅភូមិតាព្រាត ឃុំមុខរាហ៍ ស្រុករុក្ខគិរី ខេត្តបាត់ដំបង
៣- ឈ្មោះ ស៊ីម អូន ភេទប្រុស អាយុ ៦២ ឆ្នាំ មានទីលំនៅភូមិមុខរាហ៍ ឃុំមុខរាហ៍ ស្រុករុក្ខគិរី ខេត្តបាត់ដំបង
៤- ឈ្មោះ យិន ង៉ែត ភេទប្រុស អាយុ ៦៣ ឆ្នាំ មានទីលំនៅភូមិព្រៃវាំង ឃុំតាលោ ស្រុកតាលោសែនជ័យ ខេត្តពោធិ៍សាត់
៥- ឈ្មោះ នួន គោ ភេទប្រុស អាយុ ៥៥ ឆ្នាំ មានទីលំនៅភូមិតាព្រាត ឃុំមុខរាហ៍ ស្រុករុក្ខគិរី ខេត្តបាត់ដំបង
៦- ឈ្មោះ សយ សុផល ភេទប្រុស អាយុ ៥៤ ឆ្នាំ មានទីលំនៅភូមិក្តីស្នួល ឃុំត្រពាំងជង ស្រុកបាកាន ខេត្តពោធិ៍សាត់ ។
វត្ថុតាងចាប់យករួមមាន ៖
- មេអាប៉ោង ចំនួន ០១ គ្រាប់
- ចានសម្រាប់បង្វិលមេអាប៉ោង ចំនួន ០២
- ផ្តិលជ័រ សម្រាប់គ្របអាប៉ោង ចំនួន ០១
- ធុងជ័រដាក់ដី សម្រាប់ទ្រចានអាប៉ោងចំនួន ០១
- កម្រាលសម្រាប់ចាក់អាប៉ោង ចំនួន ០១
- ម៉ូតូចំនួន ០២ គ្រឿង
សមត្ថកិច្ចជំនាញបញ្ជាក់ថាមនុស្សទាំង០៦នាក់នោះត្រូវកសាងសំណុំរឿងបញ្ជូនទៅតុលាការខេត្តបាត់ដំបង ដើម្បីចាត់ការបន្តតាមនីតិវិធីនៅរសៀលថ្ងៃទី៣០ ខែសីហា ឆ្នាំ២០២១នេះ៕ ដោយ៖ ចន្ទ លីហ្សា
