ភ្នំពេញ: សមត្ថកិច្ចនគរបាលខណ្ឌឫស្សីកែវបានឃាត់ខ្លួនបុរសម្នាក់ករណីជួញដូរសារធាតុញៀន ដែលការឃាត់ខ្លួននេះបានធ្វើឡើងនៅវេលាម៉ោង១០:៣០នាទីព្រឹកថ្ងៃទី០១ ខែកញ្ញាឆ្នាំ២០២១ នៅចំណុចផ្លូវលំ ក្នុងក្រុមទី១០ ភូមិលូ សង្កាត់ស្វាយប៉ាក ខណ្ឌឫស្សីកែវ ។

លោកហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា ជនសង្ស័យមានឈ្មោះ សុខ វិទូ អាយុ៣៤ឆ្នាំ ជនជាតិខ្មែរ ស្នាក់នៅផ្ទះជួល ក្រោយផ្សារច្រាំងចំរេះ សង្កាត់ច្រាំងចំរេះ២ ខណ្ឌឫស្សីកែវ មុខរបររត់ឡំប្រឺតា (អវិជ្ជមានកូវីដ-១៩)។
សម្ភារដកហូតរួមមាន៖ ម្សៅក្រាមពណ៌សថ្លាចំនួន០៤កញ្ចប់ និងឡំប្រឺតា០១គ្រឿង ពណ៌ស ពាក់ស្លាកលេខ ភ្នំពេញ 1IH-6335។

បច្ចុប្បន្ន ជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការបន្តតាមនីតិវិធី៕

ពេជ្រពិសី

ដោយ៖  ជ្រោយពេជ្រ