ខេត្តបន្ទាយមានជ័យ ៖ រដ្ឋបាលក្រុងសិរីសោភ័ណបានចាប់ផ្តេីមចុះអនុវត្តន៍វិធានតឹងរឹងចំពោះអ្នកដែលល្មេីសនិងបំរាមប្រមូលផ្តុំ ការជួបជុំផឹកស៊ី លេងកីឡា ល្បែងស៊ីសងផ្សេងៗ ដោយធ្វេីការផាកពិន័យតាមតាមច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។
ប្រភពព័ត៌មានពីមន្រ្តីនគរបាលក្រុងសិរីសោភ័ណបានឲ្យដឹងថា
ចុះអនុវត្តវិធានការតឹងរឹងនេះចាប់ផ្តេីមពីល្ងាចថ្ងៃទី១ ខែកញ្ញា ឆ្នាំ២០២១ក្នងភូមិសាស្រ្តក្រុងសិរីសោភ័ណ។
ក្នុងនោះដែរលោក ហ៊ឹល រ៉ាយ៉ា ប្រធានគណ:បញ្ជាការឯកភាពក្រុងសិរីសោភ័ណ បានបញ្ជាក់ថា ការអនុវត្តរឹតបន្តឹងនេះ គឺធ្វេីឡេីងដូចភ្លៀងរលឹម ដោយផ្តោតសំខាន់ មិនអនុញ្ញាតឲ្យមានសកម្មភាពនៃការជួបជុំផ្សេងៗ ដូចជា ការជួបជុំផឹកស៊ី លេងល្បែងស៊ីសង សកម្មភាពលេងកីឡា មានលក្ខណៈប្រមូលផ្តុំ ដែលល្មេីសនឹងវិធានការសុខាភិបាល។ ករណីបែបនេះអាជ្ញាធរត្រូវតែអនុវត្តដោយគ្មានការលេីកលែង ពពិសេសចំពោះអ្នកដែលមិនពាក់ម៉ាស មិនគោរពតាមវិធានការសុខាភិបាល នឹងត្រូវមានការផាកពិន័យ តាមច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត។
លោក ហ៊ឹល រ៉ាយ៉ា បានបញ្ជាក់ទៀតថា អាជ្ញាធរ បានធ្វើការប្រមូលអ្នកដែលល្មើស នឹងបំរាមសុខាភិបាល មានចំនួន៧ទីតាំង នៅក្នុងសង្កាត់ព្រះពន្លា, សង្កាត់អូរអំបិល និងសង្កាត់កំពង់ស្វាយ ឃាត់ខ្លួនបានចំនួន៣៨នាក់ ដើម្បីយកទៅធ្វើសំណាក មុនធ្វើការផាកពិន័យ តាមច្បាប់ស្តីពី វិធានការទប់ស្កាត់ការឆ្លងរាលដាល នៃជំងឺកូវីដ-១៩ និងជំងឺកាចសាហាវ និងប្រកបដោយគ្រោះថ្នាក់ធ្ងន់ធ្ងរ។ ក្រោយយកសំណាកទាំង៣៨នាក់ទៅធ្វើតេស្ត ជាលទ្ធផលឃើញវិជ្ជមានកូវីដ-១៩ ម្នាក់ ត្រូវបានយកទៅព្យាបាល។ បន្ទាប់មកក៏បានធ្វេីការពិន័យតាមវិធានការរដ្ឋបាលលើមនុស្សទាំង៣៨នាក់នេះផងដែរ ៕
ដោយ÷ប្រាថ្នា
