ភ្នំពេញ៖ លោក ឯក ឃុនដឿន អភិបាលនៃគណៈអភិបាលខណ្ឌឫស្សីកែវ នៅព្រឹកថ្ងៃព្រហស្បតិ៍ទី០៩ ខែកញ្ញា ឆ្នាំ២០២១នេះ បាដឹកនាំមន្រ្តីសង្កាត់ទួលសង្កែ នាំយកអំណោយដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិតិ្តព្រឹតិ្តបណ្ឌិត ប៊ុន រ៉ានី ហ៊ុន សែន ដែលឧបត្ថម្ភជូនដល់ប្រជាពលរដ្ឋ ដែលកំពុងធ្វើចត្តាឡីសក័ដោយសារពាក់ព័ន្ធជំងឺកូវីដ-១៩ ចំនួន ១៦គ្រួសារ នៅភូមិទួលគោក និង១២៧គ្រួសារទៀតនៅភូមិផ្សេងៗក្នុងសង្កាត់ទួលសង្កែទី១ សរុប ១៤៣គ្រួសារ ។
នាឱកាសនោះ លោកអភិបាលខណ្ឌ បានពាំនាំនូវការផ្តាំសាកសួរសុខទុក្ខពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចប្រធានតែងតែយកចិត្តទុកដាក់ជាប់ជានិច្ចចំពោះសុខទុក្ខប្រជាពលរដ្ឋគ្រប់ក្រុមគ្រួសារ និងគ្រប់ទីកន្លែង ដោយមិនប្រកាន់ពីនិន្នាការនយោបាយ ជាតិសាសន៍ សាសនា វណ្ណៈ ពណ៌សម្បុរអ្វីទាំងអស់ ពោល “កាកបាទក្រហមកម្ពុជាមានគ្រប់ទីកន្លែង សម្រាប់គ្រប់ៗគ្នា-មិនទុកនរណាម្នាក់ចោល“ ។
ជាមួយគ្នានេះ លោក ឯក ឃុនដឿន ក៏សូមឱ្យបងប្អូនប្រជាពលរដ្ឋទាំង អស់ដែលបានបញ្ចប់ការធ្វើចត្តាឡីស័កនាពេលនេះ សូមបន្តយកចិត្តទុកដាក់ឲ្យបានខ្ពស់តាមការណែនាំរបស់ក្រសួងសុខាភិបាល និងសូមអនុវត្តតាមអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នូវវិធានការ ៣ការពារ និង ៣កុំ ដើម្បីការពារខ្លួន ក៏ដូចជាការចូលរួមបង្ការទប់ស្កាត់ការរីករាលដាលនៃជំងឺកូវីដ១៩ ទាំងអស់គ្នា ។
ចំណែកអំណោយដែលប្រជាពលរដ្ឋទទួលបានក្នុងមួយគ្រួសាររួមមាន៖ អង្ករ ២៥ គីឡូក្រាម ,មី ១កេស ,ត្រីខ ១យួរ ,ទឹកស៊ីអ៉ី ១យួរ៕
ដោយ៖ស តារា
