ខេត្តព្រះសីហនុ៖ បេីតាមប្រភពព័ត៍មានពីកម្លាំងការិយាល័យប្រឆាំងគ្រឿងញៀន មន្ទីរស្រាវជ្រាវនិងបង្រ្កាបបទល្មើស កងរាជអាវុធហត្ថខេត្តព្រះសីហនុ បានឱ្យដឹងថា នៅវេលាម៉ោង០៨ព្រឹក ថ្ងៃទី១០ ខែកញ្ញា ឆ្នាំ២០២១នេះ បានកសាងសំណុំរឿងបញ្ជូនជនសង្ស័យ ចំនួន ០៣នាក់ រួមនឹងវត្ថុតាង ទៅអយ្យការអមសាលាដំបូងខេត្ត ពាក់ព័ន្ធនឹងករណីជួញដូរ រក្សាទុក និងប្រើប្រាស់ដោយខុសច្បាប់នូវសារធាតុញៀន។
មន្រ្តីកងរាជអាវុធហត្ថខេត្ត បានបញ្ជាក់បន្ថែមថា ជនសង្ស័យខាងលេីនេះទី១/ ឈ្មោះ ទឿក តាល់ ហៅម៉ាប់ ភេទប្រុស អាយុ៣៤ឆ្នាំ ជនជាតិខ្មែរ មុខរបរ កម្មកររោងចក្រអគ្គិសនី បច្ចុប្បន្នស្នាក់នៅក្រុមទី៦ ភូមិ២ ឃុំកំពេញ ស្រុកស្ទឹងហាវ។
ទី២/ ឈ្មោះ អ៊ុក សីឡា ភេទប្រុស អាយុ២៨ឆ្នាំ ជនជាតិខ្មែរ មុខរបរ កម្មកររោងចក្រអគ្គិសនី បច្ចុប្បន្នស្នាក់នៅក្រុមទី១៤ ភូមិ៤ ឃុំទំនប់រលក ស្រុកស្ទឹងហាវ។
និងទី៣/ ឈ្មោះ សេង ទូច ភេទប្រុស អាយុ៣៩ឆ្នាំ ជនជាតិខ្មែរ មុខរបរ កម្មកររោងចក្រអគ្គិសនី បច្ចុប្បន្នស្នាក់នៅក្រុមទី៦ ភូមិ២ ឃុំកំពេញ ស្រុកស្ទឹងហាវ។
ដោយឡែកវត្ថុតាងរួមមាន៖ ម្សៅសថ្លា ចំនួន ១៣កញ្ចប់, ខ្សៀជក់ ចំនួន ០២, ទូរស័ព្ទដៃ ចំនួន ០៣គ្រឿង, ម៉ូតូ ចំនួន ០១គ្រឿង, លុយខ្មែរ ចំនួន ៤០.០០០រៀល។
បច្ចុប្បន្នជនសង្ស័យទាំង៣នាក់នេះ ត្រូវបានបញ្ជូនទៅអយ្យការអមសាលាដំបូងខេត្ត ដេីម្បីចាត់ការតាមច្បាប់៕
ដោយ៖សហការី
