ភ្នំពេញ៖ បុរសម្នាក់ប្រេីប្រាស់ថ្នាំញៀនរហូតវង្វេងស្មារតីបេីករថយន្តរត់តាក់ស៊ីជ្រុលបុកផ្ទះប្រជាពលរដ្ឋលក់គ្រឿងសង្ហារឹមបណ្តាលឱ្យរងការខូចខាតហេីយព្យាយាមបេីកគេចខ្លួនត្រូវបានសមត្ថកិច្ចដេញឃាត់ជាប់ ។
ហេតុការណ៍នេះបានកេីតឡេីងកាលពីវេលាម៉ោង១១និង៣០នាទីព្រឹកថ្ងៃទី១១ ខែកញ្ញា ឆ្នាំ២០២១
នៅមុខបុរីញូថោន ភូមិអូឌឹម សង្កាត់ចោមចៅទី៣ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតគេបានឃេីញបុរសម្នាក់រថយន្តម៉ាកសាំយ៉ុងពណ៌ខៀវ ពាក់ស្លាកលេខកំពង់ស្ពឺ2A 5432 រេពេញផ្លូវហេីយបានជ្រុលបុកផ្ទះលក់គ្រឿងសង្ហារឹមមួយកន្លែងបណ្តាលឱ្យរងការខូចខាតយ៉ាងដំណំ ភ្លាមនោះរថយន្តបង្កបានព្យាយាមបេីករត់រហូតមកដល់ផ្លូវស្តុបកប់ស្រូវទេីបកម្លាំងសមត្ថកិច្ចដេញឃាត់បានភ្លាមៗតែម្តង។
ក្រោយឃាត់ខ្លួនបានសមត្ថកិច្ចឆែកឆេរកក្នុងរថយន្តឃេីញឧបករណ៍សម្រាប់ប្រេីប្រាស់ថ្នាំញៀនមួយចំនួន។
បច្ចុប្បន្នសមត្ថកិច្ចកំពុងធ្វេីការឃាត់ខ្លួននៅប៉ុស្តិ៍រដ្ឋបាលនគរបាលចោមចៅទី៣បណ្ណោះអាសន្នរងចាំបញ្ជូនទៅអធិការដ្ឋាននគរបាលខណ្ឌពោធិ៍សែនជ័យរងចាំដោះស្រាយតាមច្បាប់៕
ដោយ៖សុខាសែនជ័យ
