ភ្នំពេញ៖ រថយន្តហាយឡែនឌ័រមួយគ្រឿង បានបើកលឿនហើយគេចពីចង្ហុកបានជ្រុលបុករះម៉ូតូចំនួន២គ្រឿង បណ្តាលអោយមនុស្សរងរបួសធ្ងន់ ស្រាល៦នាក់ ហើយរថយន្តបានបន្តបើករត់គេចខ្លួនដោយសុវត្ថិភាព ។
ហេតុគ្រោះថ្នាក់ចរាចរណ៍ខាង លើនេះបានកើតឡើងកាលពីវេលាម៉ោង០០និង២០នាទីរំលងអធ្រាត្រ ឈានចូលថ្ងៃទី៣១ ខែមីនា ឆ្នាំ២០១៦ តាមបណ្តោយផ្លូវដូងងៀប ស្ថិតក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។
បើតាមសាក្សីដែលឃើញនិងនៅកន្លែងហេតុបានប្រាប់អោយដឹងថា នៅមុនពេលកើតហេតុ គេបានឃើញយុវជន៦នាក់ជិះម៉ូតូឌ្រឹមសង់សេរីឆ្នាំ២០១៦ ពីរគ្រឿងដោយមួយគ្រឿងជិះគ្នា៣នាក់ ពាក់ស្លាក់លេខភ្នំពេញ 1FR 6315 និងមួយគ្រឿងទៀត ពណ៍ខ្មៅ ពាក់ស្លាកលេខ កំពង់ធំ 1H 2755 ធ្វើដំណើរតាមបណ្តោយផ្លូវដួងងៀប ក្នុងទិសដៅពីត្បូងទៅជើង ខណៈមកដល់ចំណុចកើត ហេតុស្រាប់តែរថយន្តម៉ាកហាយឡែនឌ័រពណ៍ទឹកប្រាក់មិនចាំស្លាកលេខ ធ្វើដំណើរបញ្ច្រាស់ទិសគ្នាហើយបានគេចចង្ហុកក៏ជ្រុលបុករះម៉ូតូទាំងពីរគ្រឿងបណ្តាលអោយរបួសធ្ងន់២នាក់ និង៤នាក់ទៀតរបួសស្រាលចំណែកម៉ូតូរងការខូចខាតយ៉ាងដំណំ។ បន្ទាប់មករថយន្តបង្កបានបន្តបើកគេចខ្លួនបាត់ស្រមោលតែម្តង។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពទ្យភ្លាមៗចំណែកម៉ូតូត្រូបានមិត្តដែលរបួសស្រាលហៅរ៉ឺមកកង់បីដឹកទៅជួសជុលដោយ្លួនឯងដោយមិនឃើញវត្តមានសមត្ថកិច្ចចុះមកអន្តរាគមន៍នោះទេ ៕
ដោយ៖ ជីម ភារ៉ា ដង្កោ
