កំពូលអ្នកប្រដាល់សញ្ជាតិហ្វីលីពីន Manny Pacquiao និយាយថា គាត់នឹងឈរឈ្មោះជាប្រធានាធិបតីក្នុងការបោះឆ្នោតឆ្នាំក្រោយ។ គាត់ត្រូវបានតែងតាំងជាបេក្ខជនដោយក្រុមនៃគណបក្សកាន់អំណាចគឺ PDP-Laban។

លើសពីអាជីពដ៏ត្រចះត្រចង់ក្នុងនាមជាអ្នកប្រដាល់សកល លោក ប៉ាក់គីអាវ អាយុ៤២ឆ្នាំគឺជាសមាជិកព្រឹទ្ធសភានៅក្នុងសភាហ្វីលីពីនផងដែរ។លោក Rodrigo Duterte ដែលកំពុងកាន់តំណែងជាប្រធានាធិបតីត្រូវបានរារាំងមិនឱ្យកាន់តំណែងមួយអាណត្តិទៀត ប៉ុន្តែត្រូវបានជ្រើសរើសដោយក្រុមបក្សប្រឆាំងដើម្បីឈរឈ្មោះជាអនុប្រធានាធិបតី។

គាត់ត្រូវបានគេជ្រើសរើសឱ្យឈរជាមួយសម្ពន្ធមិត្តជិតស្និទ្ធគឺChristopher Bong Go ប៉ុន្តែលោក Christopher Bong Go និយាយថាគាត់មិនចង់ស្នងតំណែងលោក Duterte ទេ។

ខណៈដែលគណបក្សរបស់គាត់បានប្រកាសថា ខ្លួនចង់ឱ្យលោក Go ពិចារណាឡើងវិញអំពីការសម្រេចចិត្តរបស់គាត់ ការបដិសេធរបស់គាត់ចំពោះការតែងតាំងនេះបាននាំឱ្យមានការផ្តល់យោបល់ថា កូនស្រីរបស់លោកប្រធានាធិបតី Duterte គឺ Sara Duterte-Carpio អាចចូលរួមជាមួយគាត់នៅលើឆាកនយោបាយ។

ក្នុងនាមជាអ្នកប្រដាល់លោកប៉ាក់គីអាវ បានឈ្នះខ្សែក្រវាត់ពិភពលោកក្នុងប្រភេទទម្ងន់៨ផ្សេងគ្នាដែលមិនធ្លាប់មានពីមុនមក។ គាត់បានចាញ់ការប្រកួតចុងក្រោយរបស់គាត់ជាមួយគូប្រជែងសញ្ជាតិគុយបា ហើយគាត់បាននិយាយថា គាត់កំពុងពិចារណាចូលនិវត្តន៍។ លោកអះអាងថា “ដោយទទួលយកការតែងតាំង ខ្ញុំជាអ្នកប្រដាល់ ហើយខ្ញុំនឹងក្លាយជាអ្នកប្រដាល់ទាំងក្នុង និងក្រៅសង្វៀន” ។

លោកប៉ាក់គីអាវបានសន្យាធ្វើយុទ្ធនាការប្រឆាំងភាពក្រីក្រ និងអំពើពុករលួយ។ គាត់គឺជាឥស្សរជនដ៏មានប្រជាប្រិយម្នាក់នៅក្នុងប្រទេសកំណើតរបស់គាត់ ប៉ុន្តែត្រូវប្រឈមមុខនឹងការប្រកួតគ្នានៅពីក្រោយការស្ទង់មតិមតិដែលមានគូប្រកួតដោយលោកស្រី Sara Duterte-Carpio ៕ (រូបភាព ៖ Reuters)ដោយ៖ភារ