ខេត្តបាត់ដំបង៖ នាព្រឹកថ្ងៃទី២ ខែមេសា ឆ្នាំ២០១៦ លោក សក់ សេដ្ឋា ប្រធានក្រុមការងារគណបក្សប្រជាជនកម្ពុជាចុះជួយស្រុកបវេល ខេត្តបាត់ដំបង អមដំណើរដោយលោកជា ម៉ុង អនុប្រធានក្រុមការងារចុះជួយស្រុកបវេល បានអញ្ជើញចុះជួបសំណះសំណាលជាមួយសមាជិក សមាជិការ បក្សនិងបងប្អូនប្រជាពលរដ្ឋព្រមទាំងអបអរសាទរបុណ្យចូលឆ្នាំថ្មី ប្រពៃណីជាតិខាងមុខនេះផងដែរ។
លោក សក់ សេដ្ឋា បានថ្លែងនូវការផ្ដាំផ្ញើពីការសាកសួរសុខទុក ពីសម្តេចទាំង២មកដល់បងប្អូនប្រជាពលរដ្ឋ និងសូមឲ្យសមាជិកសមាជិការ ប្រជាពលរដ្ឋទាំងអស់ បានចូលរួមបុណ្យចូលឆ្នាំថ្មីប្រពៃណីជាតិនាពេលខាងមុខ ប្រកបដោយបរិយាកាសសប្បាយរីករាយ និងមានការប្រុងប្រយ័ត្នចំពោះការ ដើរលេងកំសាន្ត និងថែរក្សាផ្ទះសំបែង ដោយរដូវនេះជារដៅក្តៅ ប្រឈមទៅនិងបញ្ហាអគ្គិភ័យជាដើម។
ក្នុងពិធីសំណេះសំណាលនេះផងដែរ ក្រៅពីការពាំនាំនូវការសាកសួរសុខទុកដល់ប្រជាពលរដ្ឋពីសំណាក់សម្តេចតេជោ ហ៊ុន សែន សម្តេចពញាចក្រី ហេង សំរិន និងសម្តេចក្រឡាហោម ស ខេង លោកសក់ សេដ្ឋា ក៏បាននាំយកជាអំណោយជាភេសជ្ជះ និងថវិការរបស់សម្តេចក្រឡាហោម ស ខេង ចែកជូនដល់ប្រជាពលរដ្ឋ សមាជិកសមាជិការ កងកម្លាំង ដែលបានចូលរួមចំនួន៦១០នាក់ផងដែរ៕
ដោយ៖ សុខ ខេមរា
