ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានប្រតិបត្តិការចាក់វ៉ាក់សាំងការពារជំងឺឆ្លងកូវីដ១៩ ក្រសួងការពារជាតិ អមដំណើរដោយនាយឧត្តមសេនីយ៍ មាស សាវ៉ន អគ្គនាយក អគ្គនាយកដ្ឋានយោធសេវា និងជាអនុប្រធានប្រតិបត្តិចាក់វ៉ាក់សាំងក្រសួងការពារជាតិ និងនាយឧត្តមសេនីយ៍ មាស សំអុល អគ្គនាយករង អគ្គនាយកដ្ឋានយោធសេវា នាយក នាយកដ្ឋានបុគ្គលិក និងជាប្រធានក្រុមការងារផលិតប័ណ្ណចាក់វ៉ាក់សាំងរបស់ក្រសួងការពារជាតិ ព្រម ទាំងអស់លោកជាប្រធាន អនុប្រធានក្រុមការងារចាក់វ៉ាក់សាំង ពាក់ព័ន្ធជាច្រើនរូប នៅព្រឹកថ្ងៃទី១៤ ខែតុលា ឆ្នាំ២០២១នេះ បានអញ្ជើញទៅពិនិត្យមើលដំណើរការនៃយុទ្ធនាការចាក់វ៉ាក់សាំងដូសទី៣ (ដូសជំរុញ) ជូនដល់ប្រជាពលរដ្ឋ និងបងប្អូនកម្មករ_កម្មការិនី ដែលរស់នៅក្នុងភូមិ សាស្ត្រខណ្ឌទួលគោក ខណ្ឌដង្កោ និងខណ្ឌកំបូល រាជធានីភ្នំពេញ ។
ក្នុងឱកាសចុះពិនិត្យមើលសកម្មភាពរបស់ក្រុមគ្រូពេទ្យកងទ័ពដែលកំពុងប្រតិបត្តិការចាក់វ៉ាក់សាំងជូនប្រជាពលរដ្ឋនាពេល នោះ នាយឧត្តមសេនីយ៍ ឥត សារ៉ាត់ បានបញ្ជាក់ថា៖ យុទ្ធនាការជាតិ ចាក់វ៉ាក់សាំងដូសទី៣ (ដូសជម្រុញ) ក្នុងភូមិសាស្ត្ររាជធានីភ្នំពេញ ក្រុមគ្រូពេទ្យ កងទ័ពទទួលខុសត្រូវចាក់មានចំនួន ៦ខណ្ឌ៖ គឺខណ្ឌកំបូល, ដង្កោ, មានជ័យ, ពោធិ៍សែនជ័យ, ទួលគោក, ឫស្សីកែវ និងបណ្តារោងចក្រក្នុងខណ្ឌទាំង៦ ដែលមានប្រជាពលរដ្ឋសរុប១លាន ២ម៉ឺន ៦ពាន់ ១២៧នាក់ ។ ដោយប្រើប្រាស់កម្លាំងប្រតិបត្តិការចូលរួមចាក់វ៉ាក់សាំងរបស់ ក្រុមគ្រូពេទ្យកងយោធពលខេមរភូមិន្ទ ចំនួនសរុប ៣ពាន់ ៥៧៨នាក់ ក្នុងនោះមាន ១៥២ក្រុមពេទ្យ ស្មើនឹង១ពាន់ ៩០១នាក់ ។
យុទ្ធនាការជាតិ ចាក់វ៉ាក់សាំងដូសទីបី ឬដូសជំរុញ ក្នុងភូមិសាស្ត្ររាជធានីភ្នំពេញនេះ បាននិងដំណើរការចាក់ជូនប្រជាពលរដ្ឋ ចាប់ពីថ្ងៃទី១១ ខែតុលានេះតទៅ ដែលគិតមកដល់ថ្ងៃនេះមានរយ:ពេល ៤ថ្ងៃហើយ ។ នាយឧត្តមសេនីយ៍ ឥត សារ៉ាត់ បានលើកបង្ហាញពីខិតខំប្រឹងប្រែងធ្វើសកម្មភាពរបស់ក្រុមការងារចាក់វ៉ាក់សាំងទៀតថា «ដើម្បីសម្រេចផែនការរបស់រាជរដ្ឋាភិបាល ពិសេសបទបញ្ជារបស់សម្តេចតេជោ ក៏ដូចជាការណែនាំរបស់សម្តេចពិជ័យសេនា ទៀ បាញ់ បងប្អូនក្រុមគ្រូពេទ្យកងកម្លាំងយើង គាត់ប្រឹង ប្រែងខ្លាំងណាស់ ។ ក្រុមគ្រូពេទ្យកងទ័ពយើងបានបំរើសកម្មភាពចាក់វ៉ាក់សាំងជូនប្រជាពលរដ្ឋ ដោយមិនមានពេល សម្រាកនោះឡើយ។ចាក់ចប់ដូសទី១
ដូសទី២ ចប់ភ្លាមៗ យើងបន្តចាក់ដូសទី ៣ (ដូសជំរុញ) ឱ្យបានរហ័ស ដើម្បីវ៉ាក់សាំងជ្រាបចូលខ្លួនប្រជាពលរដ្ឋ ជួយការពារមេរោគឆ្លងកូវីដ១៩ ដែលកំពុងតែរាតត្បាតខ្លាំងក្នុងសង្គមយើង ។
នាយឧត្តមសេនីយ៍ ឥត សារ៉ាត់ បានថ្លែងអំណរគុណចំពោះក្រុមការងារចាក់វ៉ាក់សាំងទាំងអស់ ដែលមានស្មារតីយក ចិត្តទុកដាក់ខ្ពស់លើការងារចាក់វ៉ាក់សាំងនេះ។
ប្រជាពលរដ្ឋក្នុងរាជធានីភ្នំពេញ ដែលបានចាក់វ៉ាក់សាំងដុសទី ៣ (ដុសជំរុញ) រួចរាល់បានបង្ហាញក្តីរីករាយក្រោយទទួលបានការចាក់វ៉ាក់សាំង ដុសជំរុញនេះ ។ ពួកគាត់ បានចាត់ទុក វ៉ាក់សាំងជាឱសថដ៏មានគុណតម្លៃបំផុតសម្រាប់ជួយដល់សុខុមាល ភាពរបស់ពួកគាត់ ក្នុងការប្រយុទ្ធប្រឆាំងនឹងជំងឺកូវីដ១៩ ចាស់ថ្មីដែលកំពុងរាតត្បាតខ្លាំងនៅក្នុងសកលលោកយើងនេះ ។ ប្រជាពលរដ្ឋបានថ្លែង អំណរគុណសម្តេចតេជោ ហ៊ុន សែន នាយករដ្ឋមន្ត្រី នឹងថ្នាក់ដឹកនាំគ្រប់លំដាប់ថ្នាក់នៃកងយោធពលខេមរភូមិន្ទ ដែលបានស្វះស្វែងរកវ៉ាក់សាំងមកចាក់ជូនប្រជាពលរដ្ឋដោយឥតគិតថ្លៃ ។
ប្រជាពលរដ្ឋដែលបានចាក់វ៉ាក់សាំងដូស ទី១,ទី២និងដូសទី៣(ឬដូសជំរុញ) បានមើលឃើញថា សម្តេចតេជោជាមេ ដឹកនាំមួយរូបដែលបានគិតគូរខ្ពស់បំផុតលើសុខុមាលភាពរបស់ប្រជាពលរដ្ឋយើង ៕ ដេាយ ស៊ុនហេង
