ភ្នំពេញ ៖ បុរសម្នាក់បេីករថយន្តដឹកគ្រឿងផលិតជ័រក៏ជ្រុលធ្លាក់ចិញ្ចើមផ្លូវបេតុងផុងក្រឡាប់ផ្ងារជើងម្ខាងសំណាងមិនបង្កឲ្យមនុស្សរងរបួស ដោយបង្កការភ្ញាក់ផ្អេីលកាលពីវេលាម៉ោង ៤និង៣០នាទីរសៀលថ្ងៃទី១៨ខែតុលាឆ្នាំ២០២១ ស្ថិតនៅតាមបណ្ដោយផ្លូវបេតុងព្រៃស កែងនិងផ្លូវ៥០ម៉ែត្រ ភូមិប្រការ សង្កាត់ព្រៃស ខណ្ឌដង្កោ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាក KIA ពណ៌ខៀវ ពាក់ស្លាកលេខភ្នំពេញ 2AQ-45 24 បើកបរដោយបុរសម្នាក់ធ្វើដំណើរតាមបណ្ដោយផ្លូវបេតុងព្រៃសទិសដៅពីលិចទៅកើតខណៈមកដល់ចំណុចស្តុប រថយន្តបង្កបានបង្អង់អែបខាងធ្លាក់ចិញ្ចើមផ្លូវបេតុងផុងដីក្រឡាប់ផ្ងារជើងម្ខាងតែម្ដង តែមិនបង្កឲ្យមានមនុស្សរងរបួសនោះទេ។
ក្រោយកើតហេតុ សមត្ថកិច្ចមូលដ្ឋានខណ្ឌដង្កោបានចុះមកត្រួតពិនិត្យកន្លែងកើតហេតុ ដោយរថយន្តបង្កខាងលេីមិនប៉ះពាល់ដល់ទ្រព្យសម្បត្តិសាធារណៈ ក៏ដូចជាមិនបង្កឲ្យមានអ្នករងរបួស ទេីបសមត្ថកិច្ចអនុញ្ញាតឱ្យម្ចាស់រថយន្ដសាងទំនិញចេញហើយហៅរថយន្តមកស្ទូចយករថយន្តទៅជួសជុលដោយខ្លួនឯង ៕ ដោយ ៖ ភារ៉ា ដង្កោ
