ខេត្តស្វាយរៀង៖ បុរសម្នាក់រងរបួសធ្ងន់ដោយសារករណីគ្រោះថ្នាក់ចរាចរណ៍ខណ:ត្រូវ
រថយន្ដម៉ាក XPANDER CROOS បើក មិនគោរពសិទ្ធិអាទិភាព បុកម៉ូតូបញ្ច្រាស់គ្នាយ៉ាងពេញទំហឹងបង្កការភ្ញាក់ផ្អើលដល់អ្នកភូមិនិងសមត្ថកិច្ច។

ហេតុការណ៍នេះបានកើតឡើងកាលពីវេលាម៉ោង៥និង១៥ នាទីល្ងាចថ្ងៃទី២៣ ខែតុលា ឆ្នាំ២០២១  លើផ្លូវជាតិលេខ  ០១ គីឡូម៉ែត្រ ១២៥និង១២៦ ស្ថិតក្នុងភូមិ សាលាស្រុកចាស់ សង្កាត់ ព្រៃឆ្លាក់ ក្រុង ស្វាយរៀង ។

សមត្ថកិច្ចនគរបាលក្រុងស្វាយរៀងបានអោយដឹងថាអ្នកបើករថយន្តបង្កហេតុមានឈ្មោះស្វាយ សាម៉ាឌី អាយុ ៣៦ ឆ្នាំ មុខរបរ មន្ត្រីរាជការ រស់នៅភូមិ វាលយន្ដ សង្កាត់ស្វាយរៀងក្រុង ស្វាយរៀងជិះរថយន្តម៉ាក
XPANDER CROOS ពណ៏ ស ពាក់ផ្លាក់លេខ ស្វាយរៀង  ២C ៨៧៧៧ខូចខាតយ៉ាងដំណំ។

ចំណែកបុរសរងគ្រោះមានឈ្មោះឈ្មោះ ឯក សេរី អាយុ ១៨ ឆ្នាំ មុខរបរ កម្មកររោងចក្រ រស់នៅភូមិ ពោនកក ឃុំ ឈើទាល ស្រុក ស្វាយជ្រំ ខេត្ត ស្វាយរៀងត្រូវបានសមត្ថកិច្ចដឹកយកទៅសង្គ្រោះនៅមន្ទីរពេទ្យខេត្តស្វាយរៀង ។

តាមសាក្សីបានអោយដឹងថាមុនកើតហេតុមានបុរសម្នាក់បានបើករថយន្តមួយគ្រឿងម៉ាកXPANDER CROOS ពណ៏ ស ពាក់ផ្លាក់លេខ ស្វាយរៀង  ២C ៨៧៧៧លើផ្លូវជាតិលេខ  ០១ក្នុងទិសដៅ​ពីជើងទៅត្បូងបើក មិនគោរពសិទ្ធិអាទិភាព បុកម៉ូតូមួយគ្រឿងម៉ាកហុងដាសេ ១២៥ ពណ៏ ខ្មៅ ពាក់ស្លាកលេខ ស្វាយរៀង ១I ៧៤៦៩ដោយធ្វើដំណើរពីកើតទៅលិចយ៉ាងពេញទំហឹង បង្កការភ្ញាក់ផ្អើលដល់អ្នកភូមិនិងសមត្ថកិច្ចតែម្ដង។

ក្រោយកើតហេតុសមត្ថកិច្ចបានមកដល់ធ្វើការវាស់វែងនិងអូសយក
មធ្យោបាយធ្វើដំណើរទាំង២គ្រឿងមករក្សាទុកនៅអធិការដ្ឋាននគរបាលក្រុងស្វាយរៀង ដើម្បីដោះស្រាយបន្តតាមច្បាប់៕

ដោយ៖ យឹម  សុថាន