ខេត្តកណ្តាល: សមត្ថកិច្ចនគរបាលខេត្តកណ្តាល បានរាយការណ៍ជាបឋម ប្រាប់អង្គភាព”នគរដ្រេហ្គន” នៅមុននេះបន្តិច ! នាព្រឹកថ្ងៃទី២៦ ខែតុលា ឆ្នាំ២០២១ មកថា,

មានករណីអំពើឃាតកម្ម គឺប្តីចិត្តអប្រិយ បានអារ ក សម្លាប់ប្រពន្ធ រួចធ្វើសកម្មភាព មកអារ ក ខ្លួនឯងជិតដាច់ បានស្លាប់ ជាមួយគ្នាក្នុងថ្លុកឈាម។
អំពើឃាតកម្មនេះកើតឡើង នៅភូមិកំពង់ទួល ឃុំអន្លុងរមៀត ស្រុកកណ្តាលស្ទឹង ខេត្តកណ្តាល ។ ជំហានដំបូងសមត្ថកិច្ចសង្ស័យរឿងនេះអាចកើតឡើងដោយភ្លើងប្រចណ្ឌមកលើប្រពន្ធ ទើបហ៊ានធ្វើសកម្មភាពភាពបែបនេះ ឬអាចមានសារធាតុញៀន ? ដោយឡែកព្រឹកនេះសមត្ថកិច្ចជំនាញខាងធ្វើកោសល្យវិច័យកំពុងចុះទៅកាន់កន្លែងកើតហេតុ ដើម្បីពិនិត្យសាកសពប្រពន្ធ និងប្តី។
ចំពោះព័ត៌មានលំអិត អង្គភាព”នគរដ្រេហ្គន”នឹងធ្វើការផ្សាយជូននៅពេលក្រោយ៕

 

ដោយ: ស្អាងជ័យ