ខេត្តពោធិ៍សាត់៖​ អាវធហត្ថក្រុង​ខេត្តសហការគ្នាតាមប្រម៉ាញ់ឈ្មួញជំនួញគ្រឿងញៀនបានម្នាក់ដកហូតវត្ថុតាងនិងសម្ភារ កាលពីរសៀលថ្ងៃទី៦​ ខែមេសា​ ឆ្នាំ២០១៦​ ត្រង់ចំណុចតារាងបាល់​ ស្ថិតក្នុងភូមិពាលញែក២​ សង្កាត់ផ្ទះព្រៃ​ ក្រុង-ខេត្តពោធិ៍សាត់។​

នាយការិយាល័យប្រឆាំងគ្រឿងញៀន​ អ​ ហ​ ព​ ស​ បានឲ្យដឹងថា ជនសង្ស័យជាមុខសញ្ញាដែលកម្លាំងតាមប្រម៉ាញ់ហើយឃាត់យកមកនេះឈ្មោះ​ រឿង​ ស្ក​ ហៅនី​ ភេទប្រុស អាយុ២៣ឆ្នាំ​ រស់នៅភូមិ​ ឃុំបឹងកន្ទួត​ ស្រុកក្រគរ​ ខេត្តពោធិ៍សាត់។​  ប្រភពពីកម្លាំងប្រដាប់អាវុធខាងលើបន្តថា ក្នុងនោះកម្លាំងដកហូតបានវត្ថុតាងនូវបារីមាយសេវែន ១កញ្ចប់ និងម្សៅក្រាមពណ៌សថ្លា ១កញ្ចប់តូច​ ព្រមទាំងសម្ភារ ម៉ូតូម៉ាកហុងដាឌ្រីមសេ១២៥​ ស៊េរីឆ្នាំ២០១៥​ ពាក់ស្លាកលេខពោធិសាត់​ 1F-4444 ១គ្រឿង​ ។​

ប្រភពបន្តទៀតថា ជនសង្ស័យជាមុខសញ្ញារួមទាំងវត្ថុតាងនិងសម្ភារយកទៅបន្តការសាកសួរនិងបំពេញសំណុំឯកសារនៅការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តពោធិ៍សាត់​ ដើម្បីបញ្ចូនបន្តទៅសាលាដំបូងខេត្តនៅព្រឹកថ្ងៃទី៧​ ខែមេសា​ ឆ្នាំ២០១៦នេះ៕

ដោយ៖ ប៉ឹម​ ពិន