ក្រុមញញួរធំ West Ham បានធ្វើឱ្យក្រុមហង្សក្រហម Liverpool ស្រឡាំងកាំង ខណៈដែលពួកគេទទួលបានជ័យជម្នះដ៏ធំដែលបានធ្វើឱ្យក្រុមនេះពីលើគូប្រជែងឡើងទៅកាន់ចំណាត់ថ្នាក់លេខ៣ ក្នុងក្របខ័ណ្ឌ Premier League និងបានធ្វើឱ្យបាត់បង់ភាពមិនដែលចាញ់សោះរបស់ក្រុមហង្សក្រហម។
Liverpool បានចូលទៅក្នុងការប្រកួតនេះដោយសម្លឹងរកមើលការបង្កើតកំណត់ត្រាក្លិបថ្មីនៃ២៦ ប្រកួតមិនដែលចាញ់ ក៏ដូចជាទទួលបានជ័យជម្នះដែលនឹងធ្វើឱ្យពួកគេឡើងទៅកាន់លេខ២ និងក្នុងពិន្ទុនាំមុខ Chelsea ។ប៉ុន្តែក្រុមនេះបានបាត់បង់ក្តីសង្ឃឹមនៅពេលដែលចាញ់ក្រុម West Ham ៣ទល់២ ដោយ១គ្រាប់ដំបូងគឺជាការភ្លាត់ស្នៀតរបស់អ្នកចាំទីក្រុមហង្សក្រហមកីឡាករ Alisson ស៊ុតចូលទីខ្លួនឯងនៅនាទីទី៤។
ការប្រកួតជិតចប់តង់ទី១ទៅហើយក្រុមហង្សក្រហម Liverpool ក៏បានរកគ្រាប់បាល់តាមស្មើនៅនាទីទី៤១ ដោយខ្សែបម្រើស្លាប Trent Alexander-Arnold។ ចូលដល់ការប្រកួតក្នុងតង់ទី២ក្រុម West Ham នៅតែមានឱកាសរកបានគ្រាប់បាល់នាំមុខបន្តទៀតនៅនាទីទី៦៧ ដោយកីឡាករ Fornals ហើយគ្រាប់ទី៣របស់ក្រុម West Ham រកបានដោយកីឡាករ Kurt Zouma បានតែតបាល់បញ្ចូលទីនៅនាទីទី៧៤។
កីឡាករ Divock Origi របស់ក្រុម Liverpool រកបាន១គ្រាប់នៅចុងម៉ោងនាទីទី៨៣ ដើម្បីផ្តល់ក្តីសង្ឃឹមដល់ Liverpool ប៉ុន្តែក្រុម West Ham បានរក្សាការឈ្នះរហូតដល់ចប់ការប្រកួត។ ក្រុម West Ham ស្ថិតនៅលេខ៣ មាន២៣ពិន្ទុជាមួយក្រុមលេខ២ Manchester City និងមាន៣ពិន្ទុតាមពីក្រោយក្រុមកំពូលតារាង Chelsea។ ដោយឡែក Liverpool ធ្លាក់មកលេខ៤មាន២២ពិន្ទុ។
ក្រុមហង្សក្រហមបានបណ្តោយឱ្យការនាំមុខ ២-០ ដើម្បីស្មើ ២-២ទល់ក្រុម Brighton នៅផ្ទះខ្លួនឯង កាលពីថ្ងៃសៅរ៍សប្តាហ៍មុន ហើយការធ្វើដំណើរទៅកាន់ក្រុម West Ham កាលពីយប់មិញបានផ្តល់ឱកាសឱ្យក្រុមរបស់លោក JurgenKlopp ទទួលបានការប្រកួតប្រជែងដណ្តើមពានរង្វាន់របស់ពួកគេឡើងវិញយ៉ាងឆាប់រហ័ស។
លោក David Moyes បានធ្វើការអស្ចារ្យចាប់តាំងពីការវិលត្រឡប់ទៅកាន់ West Ham កាលពី២ឆ្នាំមុន ដោយបានបង្វែរក្រុមនេះពីក្រុមដែលត្រូវកាត់ចោលទៅមកជាក្រុមដែលមានក្តីប្រាថ្នាចង់លេងបាល់ទាត់ក្របខ័ណ្ឌ Champions League ។
ឥឡូវនេះវាជាការឈ្នះលីគចំនួន៤ដងជាប់ៗគ្នាសម្រាប់ក្រុមរបស់លោក Moyes និងជាមួយនឹងក្រុម West Ham ផងដែរនៅក្នុងការប្រកួតវគ្គ 1/4 ផ្តាច់ព្រ័ត្រ League Cup និងវគ្គបន្តនៃក្របខ័ណ្ឌ Europa League អ្នកគាំទ្រអាចសុបិន្តបានត្រឹមត្រូវអំពីពេលវេលាដ៏អស្ចារ្យបន្ថែមទៀតក្នុងរដូវកាលនេះជាមួយនឹងក្រុមឡើងជើងមួយនេះ ៕
ដោយ៖ ភារៈ(រូបភាព ៖ BBC Sport)
