ភ្នំពេញ៖ សមត្ថកិច្ចនគរបាលខណ្ឌឫស្សីកែវឃាត់ខ្លួនជនសង្ស័យម្នាក់ពាក់ព័ន្ធករណីគ្រឿងញៀន កាលពីម៉ោង ១២រសៀល ថ្ងៃទី០១ខែធ្នូឆ្នាំ២០២១ កាលពី នៅចណុចមាត់ទន្លេ ក្រុម៣ភូមិ១ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ជនសង្ស័យមានឈ្មោះ កូប រ៉ូនី អាយុ ៣៦ឆ្នាំ ជនជាតិ ខ្មែរអីស្លាមមានទីលំនៅផ្ទះលេខ៦៦៣ក្រុម១ភូមិ១សង្កាត់ច្រាំងចំរេះ១ខណ្ឌឬស្សីកែវ រាជធានីភ្នំពេញ មុខរបរ មិនពិតប្រាកដ ។ សម្ភារ:ដកហូតរួមមានក្រាមពណ៌សថ្លាសង្ស័យជាគ្រឿងញៀន ចំនួន ០៩កញ្ចប់ ទូរស័ព្ទចំនួន០២ គ្រឿងមួយគ្រឿងម៉ាក់ណូគាNOkiA ពណ៌មាសសេរីចាស់មួយគ្រឿងទៀតម៉ាកអាយហ្វូនហ្វាយអេស ពណ៌ទឹកប្រាក់ ។
បច្ចុប្បន្នជនសង្ស័យនិងវត្ថុតាង កំពុងឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បី
កសាងសំណុំរឿងបញ្ជូនទៅសាលាដំបូងរាជធានីភ្នំពេញអនុវត្តទៅតាមនីតិវិធី៕
ដោយ៖ ជ្រោយពេជ្រ
