អតីតអ្នកផ្សព្វផ្សាយសាសនាជនជាតិអីុតាលីលោក Rolando Del Torchioត្រូវបានដោះលែងឲ្យមានសេរីភាពវិញហើយៗ ត្រូវបានកម្លាំងទាហានរដ្ឋាភិបាលហ្វីលីពីន បញ្ជូនទៅកាន់ទីក្រុង Jolo ខេត្ត Sulu កាល ពីយប់ថ្ងៃទី៨ ខែមេសា ។
សារព័ត៌មានThe Philipines Star បាន ដកស្រង់សម្តីមន្ត្រីប៉ូលិស ខេត្តស៊ូលូ លោក Wilfredo Cayat បានឲ្យដឹងថា កម្លាំង ប៉ូលិសបានសហការជាមួយក្រុមការពារ ដែនសមុទ្រជួយសង្គ្រោះចំណាប់ខ្មាំង ឈ្មោះ Torchio នៅវេលាម៉ោង៧និង៣០ នាទីយប់ថ្ងៃទី៨ ខែមេសា ។
មកទល់ពេលនេះគ្មានព័ត៌មានស្តីពីការដោះលែង Torchio នោះឡើយ ក៏ដូច ជាពេលវេលា និងទីតាំងដែលលោកត្រូវ បានដើរលេង។ ក្រុមទាហានការពារដែនសមុទ្របានប្រកាសឲ្យរដ្ឋាភិបាលបានដឹង ថា ពេលនេះលោក Torchio ស្ថិតនៅលើនាវាទាហានជើងទឹកប្រកបដោយសុវត្ថិភាព ។
លោក Del Torchio អាយុ៥៣ឆ្នាំ មានស្ថានភាពសុខភាពមិនសូវប្រសើរនោះឡើយ ហើយត្រូវបានបញ្ជូនទៅកាន់មន្ទីរពេទ្យ ព្យាបាលរបួស។ លោកមានសភាពទ្រុឌទ្រោមដោយមិនមានការហូបចុក និង សម្រាកគ្រាប់គ្រាន់ពេលត្រូវក្រុមខ្មាន់កាំភ្លើងចាប់ជាចំណាប់ខ្មាំង ។
ប្រភពព័ត៌មានបានឲ្យដឹងថា ចំណាប់ ខ្មាំងខាងលើត្រូវបានដោះលែងក្រោយការចរចាពីប្រាក់លោះ ហើយក្រុមខ្មាន់កាំភ្លើងទទួលបានប្រាក់លោះប្រមាណ២,៨លាន ដុល្លារអាមេរិក ។
កាលពីថ្ងៃទី៧ ខែតុលា ឆ្នាំ២០១៥ លោក Del Torchio ត្រូវបានចាប់ខ្លួននៅ ក្នុងភោជនីយដ្ឋានUr choice Bistro Pizza ។ ពេលនោះខ្មាន់កាំភ្លើងក្រុមអាប៊ូសាយ៉ាហ្វ ប្រមាណ១០នាក់ ក្លែងបន្លំខ្លួនធ្វើជាអតិថិជនចូលក្នុងភោជនីយដ្ឋាននោះចាប់ខ្លួនលោកតែម្តង ៕
ប្រែសម្រួល៖ ម៉ែវ សាធី
