ភ្នំពេញ : នាថ្ងៃទី៨ខែធ្នូ ឆ្នាំ២០២១ លោក Wang Wentian ឯកអគ្គរដ្ឋទូតចិនប្រចាំកម្ពុជាអញ្ជើញចូលរួមនិងថ្លែងសុន្ទរកថាក្នុងពិធីបិទវគ្គបណ្ដុះបណ្ដាលគម្រោង“គ្រាប់ពូជដើម្បីអនាគត”ឆ្នាំ២០២១។ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍កម្ពុជា, លោក Yao Yuya ប្រធានគ្រប់គ្រងទូទៅនៃក្រុមហ៊ុនHUAWEI(កម្ពុជា) និងសិក្ខាកាមចំនួន២០រូបផ្សេងទៀតអញ្ជើញចូលរួមក្នុងពិធីខាងលើ។
លោក Wang Wentian មានប្រសាសន៍ថា ការខិតខំពង្រីកនិងបង្កើតថ្មីជាបទពិសោធន៍ប្រវត្តិសាស្រ្តមួយក្នុងចំណោមបទពិសោធន៍ដ៏សំខាន់បំផុតក្នុងដំណើរពុះពាររយៈពេល១០០ឆ្នាំរបស់គណបក្សកុម្មុយនិស្តចិន។ ក្នុងប៉ុន្មានឆ្នាំថ្មីៗនេះ ក្រោមការជំរុញព័ត៌មានទូរគមនាគមន៍និងបច្ចេកវិទ្យាជំនាន់ថ្មី បានធ្វើការផ្លាស់ប្តូររូបរាងនិងអភិវឌ្ឍនូវការច្នៃប្រឌិតថ្មីសេដ្ឋកិច្ចនិងសង្គមដែលតំណាងដោយសេដ្ឋកិច្ចឌីជីថល ហើយការរួមបញ្ចូលរវាងព័ត៌មានទូរគមនាគមន៍និងសេដ្ឋកិច្ចសង្គមត្រូវបានលើកកម្ពស់ឥតឈប់ឈរកាន់តែស៊ីជម្រៅ បានក្លាយជាការដឹកនាំថ្មីសម្រាប់ការអភិវឌ្ឍន៍សេដ្ឋកិច្ច។ បច្ចុប្បន្ននេះ ចិននិងកម្ពុជាកំពុងស្ថិតក្នុងដំណាក់កាលសំខាន់មួយនៃការអភិវឌ្ឍន៍ ក្នុងនាមជាមិត្តដែកថែប ភាគីចិនរីករាយបន្តជួយកម្ពុជាសម្រេចនូវចក្ខុវិស័យអភិវឌ្ឍន៍របស់ខ្លួន។ លោកក៏បានវាយតម្លៃខ្ពស់ចំពោះក្រុមហ៊ុនHUAWEI(កម្ពុជា)ដែលបានចាក់ឫសនៅក្នុងប្រទេសកម្ពុជាអស់រយៈពេលជាច្រើនឆ្នាំ ហើយបានរួមចំណែកយ៉ាងសំខាន់ក្នុងការអភិវឌ្ឍន៍វិស័យព័ត៌មានទូរគមនាគមន៍ក្នុងតំបន់ និងបានលើកទឹកចិត្តសិក្ខាកាមទាំងឡាយបន្តរក្សាមរតកចំណងមិត្តភាពជាប្រពៃណីរវាងចិននិងកម្ពុជា រួមគ្នាបង្កើតអនាគតនៃមិត្តភាពនិងប្រកបដោយភាពល្អប្រសើរកាន់តែច្រើនដោយផ្អែកលើបច្ចេកវិទ្យាជាគោល។
លោក ជា វ៉ាន់ដេត បានវាយតម្លៃខ្ពស់គម្រោងរបស់ក្រុមហ៊ុនHUAWEIខាងលើនេះបានតភ្ជាប់រវាងសហគ្រាសនិងគ្រឹះស្ថានអប់រំ បានជួយបណ្ដុះបណ្ដាលធនធានមនុស្សផ្នែកបច្ចេកវិទ្យាឌីជីថលកាន់តែច្រើនសម្រាប់កម្ពុជា។
លោក Yao Yuya មានប្រសាសន៍ថា ក្រុមហ៊ុនHUAWEI(កម្ពុជា)តែងប្រកាន់ខ្ជាប់នូវគំនិត“ក្នុងប្រទេសកម្ពុជា ដើម្បីប្រទេសកម្ពុជា” ខិតខំជំរុញការអភិវឌ្ឍន៍វិស័យព័ត៌មានទូរគមនាគមន៍កម្ពុជា រីករាយបន្តពង្រឹងកិច្ចសហប្រតិបត្តិការជាមួយគ្រឹះស្ថានអប់រំក្នុងប្រទេសកម្ពុជា បណ្ដុះបណ្ដាលធនធានមនុស្សផ្នែកព័ត៌មានបច្ចេកវិទ្យាឱ្យកាន់តែច្រើន៕
ដោយ : សុខ ខេមរា
