ខេត្តក្រចេះៈ​ ជនម្នាក់ត្រូវនគរបាលស្រុកឆ្លូង សហការជាមួយនគរបាលស្រុកស្នួលឃាត់ខ្លួន ខណះដែលកំពុងតែរត់គេច បន្ទាប់ពីរូបគេបានបង្កសកម្មភាពបំផ្លិញបំផ្លាញ​ទ្រព្យសម្បត្តិដុតផ្ទះមួយខ្នងកម្ទេចចោលព្រោះតែ ខឹងសម្បាជាមួយនិងស្រ្តីជាម្តាយ នៅពេលដែលរូបគេសុំលុយ៥ម៉ឺន រៀលដើម្បីធ្វើសោហ៊ុយទៅលេងជីដូននៅស្រុក ក្នុងថ្ងៃចូលឆ្នាំតែស្រ្តីជាម្តាយមិនព្រមអោយ។
​ នគរបាលស្រុកឆ្លូងបានឲ្យដឹងថា ផ្ទះឈើមួយខ្នងមានទីតាំងនៅភូមិប្រម៉ា ឃុំដំរីផុង ស្រុកឆ្លូង បានរងនូវការឆេះម៉ដ្ឋកាលពីព្រឹកថ្ងៃទី១២ មេសា ដោយសាតែអំណាចភ្លើងដែលបង្កពីការដុតកម្ទេចពីជនដៃដល់ជាកូនឈ្មោះរស់ ភារី អាយុ១៩ ឆ្នាំ ។យ៉ាងណាភ្លាមៗបន្ទាប់ពីធ្វើសកម្មភាពដុតកម្ទេចផ្ទះខ្លួនឯងបណ្តាលឲ្យឆេះម៉ដ្ឋរួច ជននេះបានព្យាយាមគេចខ្លួន តែក៏ត្រូវនគរបាលស្រុកឆ្លូង សហការជាមួយនគរបាលស្រុកស្នួលបង្រ្កាបបាននៅថ្ងៃដដែល៕​

សុខ​ ខេមរា