ខេត្តតាកែវ ៖ ជនសង្ស័យម្នាក់ត្រូវបានកំលាំងជំនាញនៃមន្ទីរប្រឆាំងបទល្មើសគ្រឿងញៀននៃបញ្ជាការដ្ឋានកងរាជអាវុធហត្ថខេត្តតាកែវធ្វើការឃាត់ខ្លួនពាក់ព័ន្ធទៅនឹងករណីជួញដូរគ្រឿងញៀន។
ហេតុការណ៍នេះបានកើតឡើងនៅវេលាម៉ោងម៉ោង១៥ និង៣០នាទីថ្ងៃទី២០ ខែធ្នូ ឆ្នាំ ២០២១ នៅត្រង់ចំណុចភូមិសាមគ្គី ឃុំក្រាំងលាវ ស្រុកបាទី ខេត្តតាកែវ ។
សមត្ថកិច្ចបានដឹងថាជនសង្ស័យដែលឃាត់ខ្លួនខាងលើឈ្មោះទូច សី ភេទប្រុសអាយុ ២៥ ឆ្នាំជនជាតិខ្មែរមុខរបរមិនពិតប្រាកដ រស់នៅភូមិ រកាពក ឃុំទួលអំពិល ស្រុកបរសេដ្ឋខេត្តកំពង់ស្ពឺ ក្រោយការឃាត់ខ្លួនបានឆែកឆេរឃើញក្រាមពណ៌សថ្លា១០កញ្ចប់ទម្ងន់៣,៨៧ក្រាម (ថ្លឹងទាំងសំបក់ថង់)
– ជញ្ជីងថ្លឹងថ្នាំញៀនចំនួន១
– សម្ភារៈសេពថ្នាំញៀន (ដបទឹកសុទ្ធ១)
– សម្ភារៈវេចខ្ចប់ថ្នាំញៀនមួយចំនួន
បច្ចុប្បន្នជនសង្ស័យរួមនឹងវត្ថុតាងការិយាល័យជំនាញកំពុងសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី៕
ដោយ៖ ស សម
