ភ្នំពេញ ៖ បុរសម្នាក់បេីករថយន្តធុនធំ ប្រភេទសណ្តោងទូកុងតឺន័រខ្វះការប្រុងប្រយ័ត្ន បានជ្រុលទៅកៀររថយន្ត Toyota Prius ដែលបេីកក្នុងទិសស្របគ្នា បណ្ដាលឱ្យរងការខូចខាតខ្ទេចផែ្នកខាងមុខយ៉ាងដំណំ ដែលហេតុការណ៍នេះបង្កឡេីងនៅវេលាម៉ោង១០និង២០នាទីយប់ថ្ងៃទី២៣ ខែធ្នូ ឆ្នាំ២០២១ ត្រង់ចំណុចដេប៉ូប្រេងឥន្ធនៈតេលា ផ្លូវលេខ៣៧១ សង្កាត់ដង្កោ ខណ្ឌដង្កោ រាជធានីភ្នំពេញ ។
បេីតាមប្រភពព័ត៌មានពីកន្លែងកើតហេតុបានឱ្យដឹងថា មុនពេលកេីតហេតុគេបានឃើញបុរសម្នាក់បេីករថយន្តម៉ាកនីស្សាន់ធុនធំ ប្រភេទសណ្តោងកុងតឺន័រ ពណ៌ខៀវ ពាក់ស្លាកលេខ ភ្នំពេញ 3A- 8709 បេីកតាមបណ្ដោយផ្លូវលេខ៣៧១ ក្នុងទិសដៅពីលិចទៅកេីត លុះមកដល់ចំណុចកេីតហេតុដែរលជាផ្លូវចង្អៀតហេីយមេឃកំពុងភ្លៀងផងនោះក៏ស្រាប់តែមានបុរសម្នាក់បេីករថយន្តម៉ាកToyota Prius ពណ៌ទឹកប្រាក់ ពាក់ស្លាកលេខភ្នំពេញ 2BN -0834 ដែលរួមដំណើរជាមួយនឹងនារី២ទៅ៣នាក់ ធ្វើដំណើរស្របទិសគ្នា ហើយប្រឹងបេីករុលទៅមុខខាងស្ដាំដៃ ក៏ត្រូវរថយន្តសណ្តោងទូកុងតឺន័របេីកងាកស្ដាំបន្តិចក៏ជ្រុលទៅកៀររថយន្ត Prius បណ្ដាលឲ្យក្រពឹតថ្ពាល់មុខចំហៀងខាងឆ្វេងនិងធ្លាក់កាងមុខខូចខាតខ្ទេចខ្ទី ។ដោយឡែក រថយន្តសណ្តោងទូកុងតឺន័រអត់មានរងការខូចខាតអ្វីនោះទេ ហើយក៏មិនមានមនុស្សណាម្នាក់រងរបួស ឬស្លាប់នោះដែរ ។
ក្នុងហេតុការណ៍នេះ ភាគីទាំងសងខាង បាននាំគ្នាប្រកែកយកត្រូវរៀងៗខ្លួន ដោយមិនគិតពីការកកស្ទះចរាចរណ៍ដល់អ្នកដំណើរដទៃទៀតនោះទេ ។ តែចុងក្រោយសមត្ថកិច្ចមូលដ្ឋានបានចុះទៅកន្លែងកេីតហេតុបានធ្វេីការសម្របសម្រួលដល់ភាគីទាំងពីរ ទេីបខាងភាគីរថយន្តសណ្តោងកុងតឺន័រជួយចេញថ្លៃជួសជុលទៅឱ្យខាងរថយន្តToyota Prius ពាក់កណ្តាលដេីម្បីបញ្ចប់រឿង ៕
ដោយ ៖ ភារ៉ា ដង្កោ
