ខេត្តក្រចេះ : ម៉ូតូនិងម៉ូតូប្រលះគ្នាធ្វើឲ្យមនុស្សរងរបួសធ្ងន់ទាំងពីរ ខណៈបើកបរខ្វះការប្រុងប្រយ័ត្ន បញ្ច្រាស់ទិសគ្នាមិនគោរពច្បាប់ចរាចរណ៍ ហេតុការណ៍នេះបានកើតឡើងនៅថ្ងៃពុធ ១០រោច ខែមិគសិរ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងែទី២៩ ខែធ្នូ ឆ្នាំ២០២១ វេលាម៉ោង០២,០២នាទី នៅចំណុចភូមិភ្នំខៀវ ឃុំអូរគ្រៀង ស្រុកសំបូរខេត្តក្រចេះ។
ប្រភពបានឲ្យដឹងថា: មុនកើតហេតុគេឃើញម៉ូតូទាំងពីបោះពួយយ៉ាងលឿន មកដល់ចំណុចកើតហេតុខាងលើ បានបុកគ្នាពេញទំហឹងបណ្តាលឲ្យម៉ូតូ ខ្ទាត់ទៅម្ខាងមនុស្សទៅផ្សេងគ្នា សណ្លប់ស្តូកស្តឹង ក្រោយកើតហេតុអ្នកជិតខាង បានជួយដឹកយកទៅសង្គ្រោះបន្ទាន់ ម្នាក់នៅមន្ទីរពេទ្យឯកជនភ្នំខៀវ និងម្នាក់ទៀតនៅឯមន្ទីពេទ្យខេត្ត ដោយសាររបួសធ្ងន់។ ក្រោយមកទើបឃើញនគរបាលប៉ុស្តិ៍រដ្ឋបាលអូគ្រៀងមកដល់ធ្វើការវាស់វែង និងធ្វើកំណត់ហេតុ យកម៉ូតូរងគ្រោះទាំងពី មករក្សាទុកនៅប៉ុស្តី៍រដ្ឋបាលអូគ្រៀង ដើម្បីបន្តនិតិវិធីច្បាប់។
សមត្ថកិច្ចបានឲ្យដឹងថា: ជនរងគ្រោះទាំងពីរនៅមិនទាន់ស្គាល់អត្តសញ្ញាណនៅឡើយ បានបើកបរម៉ូតូម៉ាកវ៉េវអាល់ហ្វាដូចគ្នា អត់ស្លាកលេខដូចគ្នា អត់មួកសុវត្ថិភាពម្នាក់ បើកបរបញ្ច្រាសឮទិសគ្នា ពណ៌ខ្មៅបើកបរពីលិចទៅកើត ពណ៌ក្រហមបើកបរពីកើតទៅលិច ក្នុងល្បឿនលឿន ខ្វះការប្រុងប្រយ័ត្ន មិនគោរពច្បាប់ចរាចរណ៍ រំលោភផ្លូវអត្ថិភាព។
ដោយ:មាស សុផាត
