រថយន្ដព្រូសបុករបាំងថ្មពុះចែកទ្រូងផ្លូវបណ្ដាលឲ្យបាក់អស់១កង់មុខវត្តមហាមន្ត្រី

ចែករំលែក៖

ភ្នំពេញ៖ នារីម្នាក់បើករថយន្ដព្រូសជ្រុលទៅបុករបាំងថ្ម ពុះចែកទ្រូងផ្លូវ បណ្ដាលឲ្យបាក់អស់ចំនួនមួយកង់ ចំណែករថយន្ដរងការខូចខាតបែកកង់ខាងមុខបន្តដំណើរទៅមុខលែងរួច ។

ហេតុការណ៍គ្រោះថ្នាក់ចរាចរណ៍នេះ បានកើតឡើងនៅវេលាម៉ោង២២និង៣៥នាទី ថ្ងៃទី ១៧ ខែមេសា ឆ្នាំ២០១៦ នៅចំណុចខាងកើតស្តុបវត្តមហាមន្ត្រីប្រហែល២០០ម៉ែត្រ ស្ថិតក្នុងសង្កាត់ បឹងព្រលឹត ខណ្ឌ៧មករា រាជធានីភ្នំពេញ ។

ប្រភពព័ត៌មាននៅកន្លែងកើតហេតុបានឲ្យដឹងថា នៅមុនពេលកើតហេតុ គេបានឃើញមានរថយន្ដម៉ាកព្រូស ពណ៍ទឹកប្រាក់ ពាក់ស្លាកលេខ ភ្នំពេញ 2P-1292 បើកបរដោយនារីម្នាក់ ធ្វើដំណើរតាមបណ្ដោយផ្លូវព្រះសីហនុ ទិសដៅពីកើតទៅលិច លុះមកដល់ចំណុចកើតហេតុ ដោយសាតែស្ថានភាពផ្លូវមានភាពងងឹតចំណែករបាំងថ្ម ពុះចែកទ្រូងផ្លូវគ្មានស្លាកសញ្ញាថែមទៀត ទើបបណ្ដាលអោយនារី ដែលជាអ្នកបើករថយន្ដមើលមិនឃើញ ក៏ជ្រុលទៅបុករបាំងថ្មរពុះចែកទ្រូងផ្លូវតែម្ដងើយរថយន្ដបែកកង់ខាងមុខបន្តដំណើរទៅមុខលែងរួច ។

ក្រោយពីកើតហេតុកម្លាំងសមត្ថកិចមូលដ្ឋានបានចុះដល់កន្លែងកើតហេតុ និងបានសហការណ៍ជាមួយកម្លាំងជំនាញចុះ វាស់វែងស្ទួចយករថយន្ដបង្កយកទៅរក្សាទុកនៅការិយាល័យចរាចរណ៍រាជធានីភ្នំពេញ ដើម្បីរង់ចាំដោះស្រាយនៅពេលក្រោយ ។

គួរបញ្ជាក់ថា នៅកន្លែងកើតហេតុខាងលើគឺ តែងតែមានករីណីរថយន្ដបុករបាំងថ្មរពុះចែកទ្រូងផ្លូវជាញឹកញាប់ ព្រោះដោយសារតែនៅកន្លែងនោះពុំមានភ្លើងបំភ្លឺផ្លូវនោះទេ ចំណែក របាំងថ្មពុះចែកទ្រូងផ្លូវវិញក៏មិនមានដាក់ស្លាកសញ្ញា ឬចំណាំងផ្លាតអ្វីដែរ គឺមានភាពងងឹតតែម្ដង ហេតុនេះហើយ ទើបបណ្ដាលអោយមានករណីគ្រោះថ្នាក់ចរាចរណ៍ជាញឹកញាប់ដូច្នេះ ៕

sokha1