ខេត្តតាកែវ ៖ ជនសង្ស័យម្នាក់ដែលទើបតែចេញពីពន្ធនាគារជាប់ពាក់ព័ន្ធទៅនឹងករណីជួញដូរគ្រឿងញៀនមិនរាងចាលឥឡូវត្រូវបានកម្លាំងសមត្ថកិច្ចនៃកងរាជអាវុធហត្ថខេត្តតាកែវធ្វើការឃាត់ខ្លួនពាក់ព័ន្ធទៅនឹងករណីគ្រឿងញៀនដដែល។
ហេតុការណ៍នេះបានកើតឡើងនៅវេលាម៉ោង ១៦ និង ៥០ នាទីថ្ងៃទី៥ ខែមករា ឆ្នាំ ២០២២ ស្ថិតនៅត្រង់ចំណុចភូមិក្រាំងក្នង់ ឃុំអូរសារាយ ស្រុកត្រាំកក់ខេត្តតាកែវ ។
សមត្ថកិច្ចបានឱ្យដឹងថាជនសង្ស័យឈ្មោះង៉ែត មករា ប្រុសអាយុ ៣៥ឆ្នាំជនជាតិខ្មែរមុខរបរមិនពិតប្រាកដ ទើបរួចពីពន្ធនាគារពីបទល្មើសគ្រឿងញៀន ក្នុងខែមេសា ២០២១ មានទីលំនៅរស់ភូមិកំបូល សង្កាត់កំបូល ខណ្ឌកំបូល រាជធានីភ្នំពេញ ដកហូតវត្ថុតាងរួមមាន÷
– ម្សៅក្រាមពណ៌សថ្លាចំនួន១ កញ្ចប់ ទម្ងន់ ១៣,៥៣ ក្រាម ( ថ្លឹងទាំងសំបកថង់ )
– ថ្នាំគ្រាប់ចំនួន ២១ គ្រាប់ទំងន់ ២,0៣ ក្រាម(ប្រភេទមេតំហ្វេតាមីន)
– ទូរស័ព្ទចំនួន១ គ្រឿង ម៉ាកអិនចុចពិល ។
បច្ចុប្បុន្នជនសង្ស័យរួមនឹងវត្ថុតាងការិយាល័យជំនាញកំពុងសាកសួរ កសាងសំណុំរឿងបញ្ជូនទៅសាលាដំបូងខេត្តតាកែវចាត់ការតាមនីតិវិធី ៕

ដោយ ស សម