ខឹងបងស្រីជេរស្ដីបន្ទោស បានប្រេី អំពើហិង្សាទៅលើបងស្រីត្រូវបានសមត្ថកិច្ចឃាត់ខ្លួន

ចែករំលែក៖

ខេត្តតាកែវ : យុវជនដែលជាមុខសញ្ញាប្រើប្រាស់គ្រឿងញៀនម្នាក់ត្រូវបានសមត្ថកិច្ចឃាត់ខ្លួនបន្ទាប់ពី ប្រើអំពើហឹង្សាលើបងស្រីបង្កើតរបស់ខ្លួនខណៈដែលរងនូវការស្ដីបន្ទោស។

ហេតុការណ៍ខាងលើនេះបានកើតឡើងនៅវេលាម៉ោង១២ និង៤០នាទី ថ្ងៃទី៦ ខែមករា ឆ្នាំ២០២២ ស្ថិតនៅចំណុចភូមិរលាំងគ្រើល ឃុំត្រពាំងសាប ស្រុកបាទី ខេត្តតាកែវ។

សមត្ថកិច្ចបានឲ្យដឹងថាហេតុការណ៍ខាងលើនេះបង្កឡើងដោយជនសង្ស័យឈ្មោះធូ ប៊ុនថន ភេទប្រុស អាយុ២០ឆ្នាំ មុខរបរមិនពិតប្រាកដជាមុខសញ្ញាប្រើប្រាស់សារធាតុញៀនមានទីលំនៅភូមិរលាំងគ្រើលឃុំត្រពាំងសាបស្រុកបាទីខេត្តតាកែវ។

សមត្ថកិច្ចបានបញ្ជាក់ឲ្យដឹងទៀតថានៅមុនពេលកើតហេតុជនសង្ស័យបានសុំលុយឪពុកប៉ុន្តែឪពុកមិនឲ្យក៏មានការជជែកគ្នាជាមួយឪពុកបន្ទាប់មកឈ្មោះធូសម្ផស្ស ភេទស្រីអាយុ៤១ឆ្នាំដែលជាបងស្រីបង្កើតរបស់ជនបង្ក មុខរបរកសិករមានទីលំនៅភូមិឃុំជាមួយគ្នាបានដើរមកពីផ្ទះហើយក៏បានជេរមកលើជនសង្ស័យ ហើយអ្នកទាំងពីរក៏បានជជែក និងឈ្លោះប្រកែកគ្នា បន្ទាប់ជនសង្ស័យក៏បានយកឈឺជ្រុងប្រវែង៩០សង់ទីម៉ែត្រ គប់មកលើជនរងគ្រោះឈ្មោះធូ សម្ផស្សដែលមិនបណ្តាលអោយរងរបួសទេ តែជនសង្ស័យមិនអស់ចិត្តក៏បានយកកាំបិតចិតបន្លែចុងស្រួចប្រវែង៣០ សង់ទីម៉ែត្រដេញចាក់ជនរងគ្រោះប៉ុន្តែជនរងគ្រោះបានរត់គេចខ្លួនផុតមិនបណ្ដាលឱ្យរងរបួសឡើយ។