ភ្នំពេញ៖ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗខណៈកំពុងជិះម៉ូតូតាមដងផ្លូវត្រូវរថយន្តធុនធំក្រុមហ៊ុនL. M. Hបេីកបុកពីក្រោយនិងកិនកាលពីវេលាម៉ោង៨និង៥០នាទីយប់ថ្ងៃទី៦ ខែមករា ឆ្នាំ២០២២ នៅចំណុចខាងកេីតស្តុបចូលបឹងតាម៉ាត តាមបណ្តោយផ្លូវលេខ៣៧១ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញបុរសម្នាក់ជិះម៉ូតូម៉ាកហុងដាឌ្រីមសង់ស៊េរីឆ្នាំ២០១៨ ពណ៌ខ្មៅ ពាក់ស្លាកលេខពោធិ៍សាត់1I 8635 ធ្វេីដំណេីរក្នុងទិសដៅពីលិចទៅកេីតខណៈមកដល់ចំណុចកេីតហេតុស្រាប់តែមានរថយន្តធុនធំរបស់ក្រុមហ៊ុនL. M. H ក្បាលពណ៌ក្រហម ពាក់ស្លាកលេខបន្ទាយមានជ័យ3A 1679 ធ្វេីដំណេីរមកពីក្រោយហេីយបុកនិងកិនម៉ូតូបណ្តាលឱ្យបុរសអ្នកជិះម៉ូតូរងរបួសធ្ងន់ ភ្លាមនោះតៃកុងរថយន្តបានចុះរត់គេចខ្លួនបាត់បន្សល់ទុករថយន្តនៅកន្លែងកេីតហេតុនិងបង្កការកកស្ទះចរាចរណ៍យ៉ាងខ្លាំងផងដែរ។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំពែករថយន្តនិងម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករងចាំដោះស្រាយពេលក្រោយ៕ដោយ៖សុខាសែនជ័យ
