ភ្នំពេញ៖ ជនសង្ស័យម្នាក់ត្រូវប្រជាពលរដ្ឋដេញឃាត់បានរួចប្រគល់ជូនសមត្ថកិច្ចកាលពីវេលាម៉ោង៤ទាបភ្លឺថ្ងៃទី៦ ខែមករាឆ្នាំ២០២២ នៅក្នុងភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ។
ជនសង្ស័យឈ្មោះផន សុផាត ភេទប្រុសអាយុ២៩ឆ្នាំ មុខរបរកម្មករសំណង់ ស្នាក់ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ អាន សុខតេ ភេទប្រុសអាយុ២២ឆ្នាំ មុខរបរកម្មករសំណង់ ស្នាក់នៅទីតាំងកេីតហេតុខាងលេី។
តាមប្រភពព័ត៌មានបានឱ្យដឹងថា មុនពេលកេីតហេតុជនរងគ្រោះចងមុងដេកក្នុងការដ្ឋានរបស់ខ្លួនដោយដោតសាកថ្មទូរស័ព្ទក្បែរខ្លួនលុះមកដល់វេលាកេីតហេតុស្រាប់តែមានជនសង្ស័យម្នាក់ចូលទៅធ្វេីសកម្មភាពលួចយកទូរស័ព្ទហេីយព្យាយាមរត់គេចខ្លួនតែត្រូវបានជនរងគ្រោះដឹងខ្លួនទាន់ស្រែកថាចោរៗបង្កការភ្ញាក់ផ្អេីលដល់ប្រជាពលរដ្ឋនាំគ្នាដេញឃាត់ខ្លួនបានភ្លាមៗរួចប្រគល់ជូនសមត្ថកិច្ចចាត់ការតាមច្បាប់៕
ដោយ៖សុខាសែនជ័យ
