ភ្នំពេញ៖ មនុស្សចំនួន៣នាក់បានរងរបួសធ្ងន់ស្រាលក្នុងហេតុការណ៍គ្រោះថ្នាក់ចរាចរណ៍ម៉ូតូចំនួន២គ្រឿងបុកគ្នាកាលពីវេលាម៉ោង១០និង៣០នាទីយប់ ថ្ងៃទី៦ ខែមករា ឆ្នាំ២០២២ នៅចំណុចគល់ស្ពានអាកាសស្ទឹងមានជ័យខាងត្បូង តាមបណ្តោយ២៧១ ក្នុងសង្កាត់ទំនប់ទឹក ខណ្ឌបឹងកេងកង រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញម៉ូតូម៉ាកធូដេ ពណ៌ខ្លាញ់ក្តាមលាយលឿង ពាក់ស្លាកលេខភ្នំពេញ1HW 1415 ជិះគ្នា២នាក់ធ្វេីដំណេីរក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែមានយុវជនម្នាក់ជិះម៉ូតូម៉ាកហុងដាឌ្រីមស៊េរីឆ្នាំ២០១២ មកពីក្រោយក្នុងល្បឿនលឿនក៏ជ្រុលបុកពីក្រោយដួលអូសទៅបុកចូលកន្លែងលក់បាយឆាមួយកន្លែងទៀតបណ្តាលឱ្យរងការខូចខាតចានឆ្នាំងរាយប៉ាយពេញផ្លូវនិងបណ្តាលឱ្យមនុស្សចំនួន៣នាក់រងរបួសធ្ងន់ស្រាល។
ក្រោយកេីតហេតុជនរងគ្រោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗចំណែកម៉ូតូត្រូវបានសមត្ថកិច្ចធ្វេីការវាស់វែងយកទៅរក្សាទុករង់ចាំដោះស្រាយពេលក្រោយ៕
ដោយ៖សុខាសែនជ័យ
