ភ្នំពេញ៖ ជនសង្ស័យម្នាក់រួមនិងថ្នាំញៀនចំនួន១កញ្ចប់តូចត្រូវកម្លាំងអន្តរាគមន៍ខណ្ឌសែនសុខធ្វើឃាត់ខ្លួនខណៈដែលរូបគេបានរក្សាទុកនៅសារធាតុញៀនប្រុងយកទៅប្រើប្រាស់។

ករណីឃាត់ខ្លួននេះបានធ្វើឡើងកាលពីវេលាម៉ោង២១និង០០នាទីយប់ថ្ងៃទី១៨ ខែមេសា ឆ្នាំ២០១៦ ស្ថិតនៅចំណុចផ្លូវបេតុង ភូមិត្រពាំងឈូកសង្កាត់ទឹកថ្លា ខណ្ឌសែនសុខ។

ជនសង្ស័យមាន ឈ្មោះ តុំ ភារម្យ ភេទប្រុស អាយុ២៤ឆ្នាំ មុខរបររើសអេតចាយ ស្នាក់នៅមិនពិតប្រាកដ។

សមត្ថកិច្ចបានឲ្យដឹងថា មុននិងឃាត់ខ្លួនជនសង្ស័យខាងលើកម្លាំងល្បាតអន្តរាគមន៍បានធ្វើការល្បាតក្នុងមូលដ្ឋានលុះមកដល់ចំណុចខាងលើបានឃើញជនសង្ស័យ ដើរស្ពាយកាបូបពណ៌ខ្មៅគួរឲ្យសង្ស័យ ក៏ឃាត់ខ្លួនត្រួតពិនិត្យហើយឃើញមានវត្ថុតា ដូចជា កាបូបពណ៍ខ្មៅចំនួន០១-ដំបង០២កំណាត់ចំនួន០១-ក្រាមពណ៍សថ្លាចំនួនបន្តិច ដាក់ក្នុងកូនថង ហើយក៏ឃាត់ខ្លួនតែម្តង។

បច្ចុប្បន្នជនសង្ស័យបាននាំខ្លួនមកអធិការដ្ឋានដើម្បីកសាងនីតិវិធី៕

ដោយ៖ តុង សីហា