ក្លិប Brentford បាននិងកំពុងនិយាយជាមួយកីឡាករ Christian Eriksen អំពីលទ្ធភាពនៃការចុះហត្ថលេខាលើខ្សែបម្រើសញ្ជាតិដាណឺម៉ាករូបនេះ។ Eriksen បានលុបចោលកិច្ចសន្យារបស់គាត់ដោយក្លិប Inter Milan កាលពីខែមុន បន្ទាប់ពីត្រូវបានប្រាប់ថាគាត់មិនអាចលេងក្នុងក្របខ័ណ្ឌ Serie A បន្ទាប់ពីមានបញ្ហាបេះដូង (ICD) មិនទាន់ជា១០០ភាគរយ។
បញ្ហាខាងលើនេះមិនមានបទប្បញ្ញត្តិបែបនេះទេនៅក្នុង Premier League ហើយត្រូវបានគេយល់ថា មានក្លិបមួយចំនួនចង់ចុះហត្ថលេខាលើគាត់ ប៉ុន្តែទោះបីជាយ៉ាងណាមិនទាន់មានកិច្ចព្រមព្រៀងនៅឡើយទេ។ក្លិប Brentford សង្ឃឹមថានឹងទទួលបានអត្ថប្រយោជន៍តាមរយៈអ្នកគ្រប់គ្រងរបស់គាត់ និងមិត្តរួមក្លិប Dane – Thomas Frank។ Brentford បច្ចុប្បន្នកំពុងឈរនៅលេខរៀងទី១៤ក្នុងក្របខ័ណ្ឌ Premier League ដែលជាយុទ្ធនាការកំពូលលើកដំបូងរបស់ក្លិបចាប់តាំងពីឆ្នាំ១៩៤៦-១៩៤៧។Eriksen មានឧបករណ៍វាស់ចង្វាក់បេះដូង បន្ទាប់ពីគាត់បានគាំងបេះដូងអំឡុងពេលប្រកួតឲ្យជម្រើសជាតិដាណឺម៉ាកជាមួយហ្វាំងឡង់នៅ Euro 2020 កាលពីខែមិថុនាឆ្នាំមុន។ គាត់បានជួយឲ្យឈ្នះពានរង្វាន់អ៊ីតាលីជាមួយក្លិប Inter Milan កាលពីរដូវកាលមុន ប៉ុន្តែមិនអាចតំណាងក្លិបបានទៀតទេ ដោយសារកីឡាករដែលមានបញ្ហាបេះដូងជាមួយ (ICD) មិនអាចប្រកួតប្រជែងនៅ Serie A បានទេ។ទាំងក្លិប Inter Milan និង Eriksen បានយល់ព្រមលុបចោលកិច្ចសន្យារបស់គាត់កាលពីខែធ្នូ ហើយចាប់តាំងពីពេលនោះមកកីឡាករបានចាប់ផ្តើមហ្វឹកហាត់តែម្នាក់ឯងនៅក្នុងប្រទេសដាណឺម៉ាក។ កីឡាករវ័យ២៩ឆ្នាំរូបនេះមានបំណងចង់បន្តអាជីពលេងរបស់គាត់ ហើយនិយាយថា វាជាក្តីសុបិនរបស់គាត់ក្នុងការលេងឱ្យប្រទេសដាណឺម៉ាកក្នុងព្រឹត្តិការណ៍ World Cup ឆ្នាំ២០២២នៅប្រទេសកាតា។ទន្ទឹមនឹងនេះដែរលទ្ធភាពហិរញ្ញវត្ថុចុងក្រោយរបស់ Brentford បង្ហាញថា ម្ចាស់ក្លិប Matthew Benham បានវិនិយោគ១០៤.១លានផោនទៅក្នុងក្លិប។ ការបញ្ចូលរបស់ Benham តាមរយៈប្រាក់កម្ចី និងសមធម៌បានផ្តល់មូលនិធិដល់ការកើនឡើងដល់ក្លិបទៅកាន់ Premier League និងការផ្លាស់ប្តូរទៅកាន់កីឡដ្ឋានថ្មីរបស់ពួកគេ។
លទ្ធផលរហូតដល់ថ្ងៃទី៣០ ខែមិថុនា ឆ្នាំ២០២១ បានបញ្ជាក់ពីការខាតបង់មុនការបង់ពន្ធចំនួន៨.៥លានផោន ទោះបីជាការខាតបង់នឹងមានដល់៥៣.១លានផោនដោយគ្មានការលក់កីឡាកររួមទាំង Ollie Watkins ទៅ Aston Villa និងការផ្ទេររបស់ Benrahma ទៅ West Ham ក៏ដោយ។ ក្លិបមានមូលដ្ឋាននៅភាគខាងលិចទីក្រុងឡុងមួយនេះបានប៉ាន់ប្រមាណពីការខាតបង់ទាក់ទងនឹង Covid-19 ចំនួន២.៨លានផោនសម្រាប់រដូវកាល២០២០-២០២១ កើនឡើងពី១លានផោនក្នុងរដូវកាលមុន ៕ (រូបភាព ៖ BBC Sport)
