ស្ថាប័នគ្រប់គ្រងបាល់ទាត់ពិភពលោក FIFA បានប្រកាសថា ស្ថាប័ននេះគ្រោងនឹងអនុវត្តច្បាប់ដែលក្លិបនឹងត្រូវកំណត់ក្នុងការចុះហត្ថលេខា និងបញ្ជូនកីឡាករត្រឹម៦នាក់ឱ្យខ្ចីជើងជាអន្តរជាតិចាប់ពីឆ្នាំ២០២៤តទៅ ដើម្បីឱ្យមានការផ្តោតអារម្មណ៍បន្ថែមទៀតចំពោះការអភិវឌ្ឍសមត្ថភាព និងទេពកោសល្យរបស់ពួកគាត់។ នេះបើយោងតាមការប្រកាសរបស់ FIFAឲ្យដឹងកាលពីថ្ងៃព្រហស្បតិ៍ ទី២០ ខែមករា ឆ្នាំ២០២២។

ក្នុងសេចក្តីថ្លែងការណ៍ដដែល FIFA បានប្រកាសថា គោលបំណងនៃបទប្បញ្ញត្តិដែលបានពន្យារពេល២ឆ្នាំដោយសារជំងឺរាតត្បាត COVID-19 គឺដើម្បី “អភិវឌ្ឍកីឡាករវ័យក្មេង លើកកម្ពស់តុល្យភាពនៃការប្រកួតប្រជែង និងការពារការកីឡាករក្នុងស្រុក”។ ក្លិបនឹងត្រូវបានកំណត់ត្រឹមការចុះកិច្ចសន្យាខ្ចីជើងអន្តរជាតិចំនួន៨ ហើយ៨នាក់ត្រូវបានខ្ចី២ដូវកាលក្រោយ ដោយចំនួននេះបានធ្លាក់ចុះមកត្រឹម៧នាក់នៅឆ្នាំបន្ទាប់ ហើយបន្ទាប់មកនៅសល់៦នាក់ចាប់ពីឆ្នាំ២០២៤-២០២៥តទៅ។ ទោះជាយ៉ាងណាក៏ដោយកីឡាករក្នុងស្រុក និងកីឡាករវ័យក្មេងអាយុក្រោម២១ឆ្នាំនឹងនៅតែរួចផុតពីច្បាប់នេះ ដោយត្រូវមានការយល់ព្រមនៅក្នុងកិច្ចប្រជុំបន្ទាប់របស់ក្រុមប្រឹក្សា FIFA ។ការកំណត់នេះក៏រួមបញ្ចូលផងដែរនូវការណែនាំអំពីរយៈពេលអប្បបរមានៃកិច្ចព្រមព្រៀងប្រាក់ខ្ចីជើងដែលនឹងស្ថិតនៅចន្លោះពេលនៃការផ្ទេរប្រាក់ ខណៈដែលរយៈពេលអតិបរមានឹងមានរយៈពេល១ឆ្នាំ។ វាក៏នឹងមានការកំណត់ផងដែរនូវកីឡាករ៣នាក់ដែលត្រូវបានខ្ចីជើងក្នុងមួយរដូវកាលរវាងក្លិបទាំង២ដូចគ្នា ខណៈដែលការខ្ចីជើងកីឡាករទៅកាន់ក្លិបទី៣នឹងត្រូវហាមឃាត់ ហើយបទប្បញ្ញត្តិនេះមិនគ្របដណ្តប់លើការខ្ចីជើងកីឡាករក្នុងស្រុកទេ។

FIFA បានអះអាងថា សមាគមបាល់ទាត់ជាតិនឹងមានពេល៣ឆ្នាំដើម្បីនាំយកច្បាប់របស់ពួកគេស្របតាមច្បាប់កម្រិតអន្តរជាតិ ៕ (រូបភាព ៖ CNA)