ជារឿងដែលត្រូវបានប្រជាពលរដ្ឋ នៅលើបណ្តាញសង្គមហួសចិត្ត និងរិះគន់ថា បានធ្វើឲ្យប៉ះពាល់ដល់ព្រះពុទ្ធសាសនា យ៉ាងធ្ងន់ធ្ងរ បន្ទាប់ពីព្រះសង្ឃមួយអង្គ និមន្តឡើងឆាកតន្ត្រី ច្រៀងឆ្លងឆ្លើយ ជាមួយនារី បទ“គន់មើលក្នុងសួន” និងបទចម្រៀងជាច្រើនទៀត។
បន្ទាប់ពីបានបែកធ្លាយ វីដេអូក្លីប ដែលមានការច្រៀងពីសំណាក់ព្រះសង្ឃអង្គនេះ និងមានការរាំលេង យ៉ាងសប្បាយពីប្រជាពលរដ្ឋ រយៈពេលជាង៤នាទីរួចមក ព្រះសង្ឃអង្គនេះ ត្រូវបានគណៈសង្ឃ សម្រេចឲ្យលាលែង ពីមេគុណ មកជាភិក្ខុធម្មតាវិញ។ នេះបើតាមការអះអាងពីលោកសេង សុមុនី អ្នកនាំពាក្យក្រសួងធម្មការ និងសាសនា ថ្លែងប្រាប់ដល់វិទ្យុវាយោ នៅថ្ងៃទី២១ មេសានេះ។
សំឡេងលោកសេង សុមុនី៖
សូមបញ្ជាក់ថា ព្រះសង្ឃអង្គនេះ មានព្រះនាម ឌូ វណ្ណឌឿន ជាមេគណខេត្តកំពង់ស្ពឺ។ ដោយឡែក សកម្មភាពរាំច្រៀងនេះ ត្រូវបានគេដឹងថា ធ្វើឡើងនៅក្នុងឱកាសពិធីបុណ្យចូលឆ្នាំថ្មី ថ្ងៃទី៣។
សូមស្តាប់ព្រះសង្ឃអង្គនេះ ច្រៀងទាំងស្រុង៖
ដោយ៖ Post Mohachun
