ខេត្តកណ្តាល៖ សមត្ថកិច្ចនគរបាលជំនាញនៃស្នងការដ្ឋាននគរបាលខេត្តកណ្ដាល នៅព្រឹកថ្ងៃទី 10 ខែកុម្ភៈឆ្នាំ 2022 កំពុងចុះទៅកន្លែងកើតហេតុ ដើម្បីឡើងយកសាកសពពីលើចុងត្នោត យកមកធ្វើកោសល្យវិច្ច័យ ខណះមានបុរសម្នាក់ បានឡើងទៅយកបំពង់ទឹកត្នោត ហើយសង្ស័យថាខ្យល់គរ ក៏បានស្លាប់នៅលើចុងត្នោតនោះតែម្ដង។
ហេតុការណ៍ខាងលើនេះបានកើតឡើងនៅចំណុចក្នុងគរុកោសលភូមិភាគ ក្រុងតាខ្មៅ ស្ថិតក្នុងភូមិសំរោង សង្កាត់-ក្រុងតាខ្មៅ ខេត្តកណ្តាល។
តាមការឲ្យដឹងពីប្រជាពលរដ្ឋនៅទីនោះបញ្ជាក់ថា, បុរសខាងលើនេះតែងតែបានឡើងលើចុងត្នោត យកបំពង់ទឹកត្នោតជាមុខរបររបស់គាត់ដូចសព្វដង ទើបតែនៅព្រឹកថ្ងៃនេះក៏បណ្តាលឱ្យគាត់ស្លាប់នៅលើចុងត្នោតនោះ។ ទើបបងប្អូនប្រជាពលរដ្ឋរាយការណ៍ជូនទៅសមត្ថកិច្ច ។ បច្ចុប្បន្នសមត្ថកិច្ចអាជ្ញាធរមូលដ្ឋាន និងសមត្ថកិច្ចជំនាញនៃស្នងការដ្ឋាននគរបាលខេត្តកណ្ដាល កំពុងឡើងលើចុងត្នោត ដើម្បីយកសាកសពមកធ្វើកោសលវិច្ច័យុ៕

ដោយ : ស្អាង ជ័យ