ភ្នំពេញ៖ អគ្គិភ័យបានឆាបឆេះបន្ទប់កំពុងជួសជុលនៃសណ្ឋាគារយូអេងជាន់ទី៣ ដែលស្ថិតនៅក្នុងភូមិព្រៃទាទី២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ កាលពីវេលា១រសៀលថ្ងៃទី១៨ ខែកុម្ភៈ ឆ្នាំ២០២២ បង្កការភ្ញាក់ផ្អេីលដល់បងប្អូនប្រជាពលរដ្ឋនិងសមត្ថកិច្ចទាំងក្រុមរថយន្តពន្លត់អគ្គិភ័យចុះមកអន្តរាគមន៍ភ្លាមៗ។
តាមប្រភពព័ត៌មានបានឲ្យដឹងថា ទីតាំងដែលឆាបឆេះខាងលេីកំពុងតែធ្វេីការជួសជុលដេីម្បីធ្វេីជាបន្ទប់ស្ទីមសូណា។ នៅមុនពេលកេីតហេតុក្រុមជាងគាត់កំពុងធ្វេីការផ្សារដែកជួសជុលបន្ទប់ផ្នែកខាងលេីក៏ស្រាប់តែធ្លាក់កម្ទិចភ្លេីងប៉ះចំសម្ភារៈទេីបបង្កការអណ្តាតភ្លេីងឆាបឆេះតែម្តង។ ភ្លាមនោះក្រុមជាងនិងបុគ្គលិកដទៃទៀតបាននាំគ្នាយកបំពង់ពន្លត់អគ្គិភ័យជាច្រេីនបំពង់មកបាញ់ពន្លត់តែមិនអាចគ្រប់គ្រងបានទេីបរាយការណ៍ទៅសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ចំនួន២គ្រឿងទេីបគ្រប់គ្រងបាន ដោយមិនមានមនុស្សរងរបួសនោះទេ និងខូចខាតសម្ភារៈមួយចំនួនតែប៉ុណ្ណោះ៕
ដោយ៖សុខាសែនជ័យ
