ភ្នំពេញ៖ នៅថ្ងៃទី២៣​ ខែមេសា​ ឆ្នាំ២០១៦ វេលាម៉ោង១៩:១៥នាទី កំលាំងនគរបាល ការិយាល័យព្រហ្មទណ្ឌកំរិតស្រាលនាយកដ្ឋាននគរបាលព្រហ្មទណ្ឌ និងកំលាំងនគរបាលប៉ុស្តិ៍រដ្ឋបាលផ្សារដេប៉ូទី៣ ខណ្ឌទួលគោក,បង្ក្រាបករណីចោរឆក់នៅចំណុចគល់ស្ពានអាកាស៥មករា ផ្លូវសហព័ន្ធរុស្ស៊ី ក្រុម៣៣ ភូមិ១០ សង្កាត់ផ្សារដេប៉ូទី៣ ខណ្ឌទួលគោក រាជធានីភ្នំពេញ ។

ជនសង្ស័យឈ្មោះខាំឡ រ៉ូហ្សា ហៅ រ៉ូហ្សា ភេទប្រុស អាយុ១៨ឆ្នាំមុខរបរ សិស្សអនុវិទ្យាល័យជា ស៊ីមសន្ធរម៉ុក ស្នាក់នៅផ្ទះលេខ១១៦ ផ្លូវលេខ១៩២ សង្កាត់ទឹកល្អក់ទី៣ ខណ្ឌទួលគោក ។

ជនរងគ្រោះឈ្មោះហេង ពិសី ភេទស្រី អាយុ២៦ ឆ្នាំមុខរបរ បុគ្គលិក ក្រុមហ៊ុនវេស្ទឡាញ ស្នាក់នៅផ្ទះលេខ៤៦៨ ផ្លូវ២០K ភូមិចំការឪឡឹកសង្កាត់ កាកាប ខណ្ឌពោធិ៍សែនជ័យ រាជធានីភ្នំពេញ ។
សំភារៈបាត់បង់ ៖ – កាបូបស្ពាយមួយពណ៌ខ្មៅមានលុយ៥០$,លុយខ្មែរ១០ម៉ឺន,ប័ណ្ណសំគាល់ ម៉ូតូ០២សន្លឹក, កាតATM,០១សន្លឹក,ទូរស័ព្ឌដៃ០១ គ្រឿងម៉ាកSamsung Galaxy S5 មានស៊ីមលេខ 098 277782 ។

វត្ថុតាងចាប់យកបានរួមមាន ៖ -ម៉ូតូមួយគ្រឿងម៉ាក Suzuki Nex ពណ៌ខ្មៅ ស្លាកលេខភ្នំពេញ FT-0822 ( ជាម៉ូតូជិះធ្វើសកម្មភាព ) ។

នគរបាលក្រុងបានអោយដឹងថាៈ​ មុនពេលកើតហេតុ ជនរងគ្រោះ បានជិះម៉ូតូម៉ាក Suzuki Nex ពណ៌ផ្កាឈូកចេញពី ផ្ទះមិត្តភ័ក្រ្តនៅម្តុំវត្តនាគវ័នពេលធ្វើដំណើរមានស្ពាយកាបូប មកដល់ចំណុចកើតហេតុស្រាប់តែមានជនសង្ស័យ០៤នាក់ជិះម៉ូតូ០២គ្រឿង ម៉ាកHonda C125 ពណ៌ខ្មៅ ជិះគ្នា០២នាក់ និងម៉ូតូម៉ាក Suzuki Nex ពណ៌ខ្មៅ ជិះគ្នា០២នាក់ ,ជនសង្ស័យដែលជិះ ម៉ូតូម៉ាក Honda C125 បានជិះអែបខាងឆ្វេងធ្វើសកម្មភាពឆក់កាបូបពីជនរងគ្រោះបានសម្រេច បណ្តាលឱ្យជនរងគ្រោះដួលម៉ូតូរងរបួសក្បាល ត្រូវកំលាំងសមត្ថកិច្ចកំពុងល្បាត បានអន្តរាគមន៌ឃាត់ខ្លួនបានជនសង្ស័យ០១នាក់ជាអ្នក
បើកម៉ូតូបិទគូថចំណែកជនសង្ស័យ០៣នាក់បានជិះម៉ូតូគេចខ្លួនបាត់ ។

បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញ៕​

ដោយ៖​ សិ​លា