ក្រុមបិសាចក្រហម Manchester United នឹងត្រូវប៉ះក្រុមម្ចាស់ផ្ទះAtlético Madrid នៅរាត្រីថ្ងៃពុធនេះសម្រាប់ការប្រកួតក្របខ័ណ្ឌ UEFA Champions League វគ្គទី១៦ចុងក្រោយ ជើងទី១ នៅកីឡដ្ឋាន EstadioWanda Metropolitano។
ការប្រកួតវគ្គចែកពូល UEFA Champions League ចុងក្រោយរបស់ក្រុម Atlético Madrid បានធ្វើឱ្យពួកគេយកឈ្នះ ៣-១ លើក្រុម Porto នៅកីឡដ្ឋាន Estádio Do Dragão។ ខ្សែប្រយុទ្ធ Antoine Griezmann, Ángel Correa និង Rodrigo de Paul បានស៊ុតបញ្ចូលទីក្នុងជ័យជម្នះនេះ។ចំណែកក្រុមបិសាចក្រហម Manchester United វិញបានប្រកួតស្មើ ១-១ ក្នុងការប្រកួតវគ្គចែកពូលចុងក្រោយទល់នឹងក្រុម Young Boys។ខ្សែប្រយុទ្ធ Mason Greenwood គឺជាកីឡាករតែម្នាក់គត់ដែលរកគ្រាប់បាល់បានក្នុងការប្រកួតនោះ ក្រុមបិសាចក្រហមមិនស្គាល់ចាញ់សោះក្នុងការប្រកួត៤លើកចុងក្រោយក្នុងការប្រកួតទាំងអស់ (ឈ្នះ២ ស្មើ២)។១១ពិន្ទុរបស់ក្រុម Manchester United ឈរលេខ១ក្នុងពូល ខណៈ Atlético Madrid បញ្ចប់នៅលេខ២ មាន៧ពិន្ទុ ក្នុងការប្រកួត Champions League ។ ខ្សែប្រយុទ្ធ Griezmann គឺជាអ្នកស៊ុតបញ្ចូលទីនាំមុខគេរបស់ក្លិបជាមួយនឹងគ្រាប់បាល់ចំនួន៤គ្រាប់ ខណៈដែល Cristiano Ronaldo គឺជាខ្សែប្រយុទ្ធនាំមុខគេសម្រាប់ក្រុម Manchester United ដោយស៊ុតបញ្ចូលទីបានចំនួន៦គ្រាប់។ ខ្សែប្រយុទ្ធរូបនេះត្រូវបានជាប់ចំណាត់ថ្នាក់លេខ៥ក្នុងតារាងពិន្ទុរបស់ការប្រកួតប្រជែងក្នុងឆ្នាំ២០២១-២០២២នេះ។
ក្នុងការប្រកួត៦លើកចុងក្រោយគ្រប់ការប្រកួតរបស់ក្រុម AtléticoMadrid គឺឈ្នះ៣ និងចាញ់៣ ដោយប្រកួតចុងក្រោយក្រុមនេះបានយកឈ្នះក្រុមម្ចាស់ផ្ទះ Osasuna ៣ទល់០។ ចំណែកក្រុមបិសាចក្រហម Manchester United ៦ក្រុមចុងក្រោយឈ្នះ៣ ស្មើ២ និងចាញ់១ សម្រាប់ការប្រកួតចុងក្រោយ ក្រុមបិសាចក្រហមបានយកឈ្នះក្រុមម្ចាស់ផ្ទះ Leeds United ៤ទល់២ ៕ (រូបភាព ៖ soccerway.com)
