ខេត្តព្រះសីហនុ៖ កម្លាំងប្រឆាំងគ្រឿងញៀន នៃអធិការដ្ឋាននគរបាលក្រុងព្រះសីហនុ បានឃាត់ខ្លួនបុរសជនជាតិចិនម្នាក់ រួមនិងគ្រឿងញៀនមួយចំនួនផងដែរ។
ជនសង្ស័យឈ្មោះ Ma lianFei ភេទប្រុស ឆ្នាំកំណេីត១៩៨២ ជនជាតិចិន មុខរបរមិនពិតប្រាកដ ទីលំនៅបច្ចុប្ប្ន្ននភូមិ០១ សង្កាត់ ០៤ ក្រុង-ខេត្តព្រះសីហនុ ស្រុកកំណេីត ខេត្ត Jiangsu ប្រទេសចិន ។
បេីយោងតាមប្រភពព័ត៍មានពីស្នងការដ្ឋាននគរបាលខេត្តព្រះសីហនុ បានឱ្យដឹងថា ដោយមានការដឹកនាំបញ្ជាពីលោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ នៅថ្ងៃពុធ ៧រោច ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៣ ខែកុម្ភៈ ឆ្នាំ២០២២ កម្លាំងនគរបាលប្រឆាំងគ្រឿងញៀនក្រុងព្រះសីហនុ បានទទួលជនសង្ស័យពីសន្តិសុខឆាយណាថោន ស្ថិតនៅភូមិ០៦ សង្កាត់០៤ ក្រុង-ខេត្តព្រះសីហនុ ។
ក្នុងប្រតិបត្តិការនោះ កម្លាំងជំនាញបានចាប់យកវត្ថុតាងរួមមាន៖
-ម្សៅក្រាមពណ៌សថ្លា សង្ស័យសារធាតុញៀន ១៥ កញ្ចប់
-ច្នាំគ្រាប់ពណ៍ផ្កាឈូកប្រភេទ WY ចំនួន ០៤គ្រាប់
-ទូរស័ព្ទដៃចំនួន ០១ គ្រឿង
បច្ចុប្បន្នជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលក្រុងព្រះសីហនុ ដេីម្បីធ្វេីការសាកសួរ និងចាត់ការតាមច្បាប់ ៕
ដោយ៖សហការី
