ភ្នំពេញ៖ បុរសម្នាក់ជិះម៉ូតូសណ្តោងរ៉ឺម៉កលឿនមិនប្រយ័ត្នជ្រុលបុករថយន្តបេីកឆ្លងផ្លូវពីចំហៀងពេញទំហឹងបណ្តាលឱ្យរងការខូចខាតយ៉ាងដំណំ។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីរសៀល ថ្ងៃទី២ ខែមីនា ឆ្នាំ២០២២ នៅចំណុចតំបន់សេដ្ឋកិច្ចពិសេស តាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌកំបូល រាជធានីភ្នំពេញ។
តាមសាក្សីនៅកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញរថយន្តម៉ាកKIA ពណ៌ទឹកប្រាក់ពាក់ស្លាកលេខភ្នំពេញ2AV 7112 ធ្វេីដំណេីរតាមបណ្តោយផ្លូវជាតិលេខ៤ ក្នុងទិសដៅពីកេីតទៅលិចខណៈមកដល់ចំណុចកេីតហេតុស្រាប់តែបត់ឆ្វេងបំណងចូលក្នុងតំបន់សេដ្ឋកិច្ចពិសេសភ្លាមនោះស្រាប់តែមានបុរសម្នាក់ជិះម៉ូតូសណ្តោងរ៉ឺម៉ង ធ្វេីដំណេីរតាមបណ្តោយផ្លូវជាតិលេខ៤ក្នុងទិសដៅពីលិចទៅកេីតលឿនចាប់ហ្វ្រាំងមិនជាប់ក៏ជ្រុលបុករថយន្តចំពីចំហៀងពេញទំហឹងបណ្តាលឱ្យបែកកញ្ចក់និងរងការខូចខាតទ្វាមួយចំហៀងសំណាងរបួសស្រាល។
ក្រោយកេីតហេតុសមត្ថកិច្ចមូលដ្ឋានចុះមកដល់ចំណុចកេីតហេតុនិងធ្វេីការវាស់វែងយករថយន្តរួចទាំងម៉ូតូទៅរក្សាទុករងចាំដោះស្រាយពេលក្រោយ៕
ដោយ៖សុខាសែនជ័យ
