ខេត្តព្រះវិហារ៖ សាខាកាកបាទក្រហមកម្ពុជាខេត្តព្រះវិហារ បានធ្វើពិធីសម្ពោធដាក់ឲ្យប្រើប្រាស់អណ្តូងទឹកប្រភេទអាហ្វ្រីដេស ចំនួន១១អណ្តូង ក្រោមអធិបតីភាពលោក អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយកាកបាទក្រហមកម្ពុជា ដោយមានការចូលរួមពី លោកនាយកសាខាកាកបាទក្រហមកម្ពុជាខេត្តព្រះវិហារ និងអ្នកស្ម័គ្រចិត្ត យុវជនកាកបាទក្រហមកម្ពុជាស្រុកឆែប ។

ពិធីសម្ភោធនេះបានប្រព្រឹត្តទៅនៅព្រឹកថ្ងៃទី២៥ ខែមេសា ឆ្នាំ២០១៦ ភូមិកំពង់ពូ២អណ្តូង, កំពង់ស្រឡៅ៣អណ្តូង, ភូមិ
សង្កែ១អណ្តូង, ភូមិសួង២អណ្តូង, ភូមិខាំកឺត៣អណ្តូង ដែលជាអំណោយរបស់សម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ។

ពលរដ្ឋចូលរួមចំនួន៦០នាក់បានទទួលអំណោយមនុស្សធម៌ ក្នុងម្នាក់ៗទទួលបានបានគ្រឿងឧបភោគ បរិភោគ និងថវិកាមួយចំនួន ៕

ដោយ៖ សុខ ខេមរា