ភ្នំពេញ៖ កាលពីម្សិលមិញថ្ងៃទី២៥ ខែមេសា ឆ្នាំ២០១៦ មានបុរសម្នាក់ដើរដូរលុយខ្វែងដៃខ្វែងជើង ដោយក្តីអន្ទះសារ ប្រញ៉េបប្រញាប់យកលុយក្រដាសណាល្អៗទៅបំពេញតម្រូវការបុគ្គលិកមន្ទីរពេទ្យកាល់ម៉ែត ដោយគាត់បញ្ជាក់ថាគេតឹងតែងណាស់មិនយកទេលុយមិនសូវល្អៗ។
គាត់បានត្អូញត្អែរបន្តថាៈ ចិត្តអាក្រក់ម្លេះលោកអើយ អស់ពីរើសអើងអ្នកជម្ងឺខ្សត់ប្រាក់មកដាក់បន្ទុករឿងក្រដាសប្រាក់រៀលមិនសូវស្អាតមិនព្រមយក ? ខាងក្រោមនេះគឺជាការលើកឡើងរបស់គាត់ ហើយត្រូវបានគេបង្ហោះលើបណ្តាញហ្វេសប៊ុកផងដែរថាៈ “ខ្ញុំសូមផ្តាំទៅដល់បងប្អូនខ្មែរ ដែលមកព្យាបាលនៅកាល់ម៉ែត សូមយកលុយដែលថ្មីៗព្រោះលុយចាស់គេអត់យកទេកុំឲ្យខាតពេលយកលុយមកប្តូរម្តងទៀតនេះជាលុយដែលខ្ញុំត្រូវយកទៅប្តូរយកលុយថ្មីវិញ ដើម្បីបង្គ្រប់ឲ្យគ្រប់720000រៀល (ចិតសិបពីរមុឺនរៀល)។
ពាក់ព័ន្ធករណីនេះគេពុំដឹងថាអ្នកគ្រប់គ្រងតម្រូវអោយធ្វើបែបនេះឬបុគ្គលិកខ្លះមានទម្លាប់ទំនើងយ៉ាងណាទេ ដោយនគរដ្រេហ្គន មិនអាចទាក់ទងបានពីលោក ឈាង រ៉ា នាយកមន្ទីរពេទ្យកាល់ម៉ែតកាលពីព្រឹកថ្ងៃទី២៦ ខែមេសា ឆ្នាំ២០១៦៕
ដោយ៖ សុខ ខេមរា
