​ ភ្នំពេញ​ ៖​ រថយន្តស្ទូច​ម៉ាកហុីយ៉ាន់ដាយ​ បានបេីករថយន្តក្រឡុកសុីម៉ង់ត៍បញ្ឆិតពីមុខពេញទំហឹងបណ្ដាលឲ្យរងការខូចខាតទាំងសងខាងយ៉ាងដំណំ​សំណាងដែរគ្នាអ្នករងរបួស​ ។ ហេតុការណ៍គ្រោះថ្នាក់ចរាចរណ៍ខាងលេីនេះបានកើតឡើងកាលវេលាម៉ោង៥​ និង៤០នាទីទៀបភ្លឺថ្ងៃទី១៦ ខែមីនា ឆ្នាំ២០២២ ស្ថិតតាមបណ្ដោយផ្លូវ៦០ម៉ែត្រ ក្នុងសង្កាត់ជើងឯក ខណ្ឌដង្កោ​ រាជធានីភ្នំពេញ​ ។
​ តាមប្រភពពីកន្លែងកើតហេតុបានឲ្យដឹងថា ដំបូងឡេីយរថយន្តស្ទូចម៉ាកហុីយ៉ាន់ដាយ
ពណ៍ស​ ពាក់ផ្លាកលេខភ្នំពេញ3F-6358
បើកបរតាមបណ្ដោយផ្លូវ៦០ម៉ែត្រ​ ទិសដៅពីជើងទៅត្បូង​ ខណៈមកដល់ចំណុចកើតហេតុសង្ស័យអ្នកបើកបរងោកមួយភាំងរ៉េចង្កូតទៅឆ្វេងដៃ​ ជ្រុលទៅបុកបញ្ឆិតពីមុខរថយន្តក្រឡុកសុីម៉ង់ត៍ម៉ាកSANY
ពណ៌ស ពាក់ផ្លាកលេខព្រះសីហនុ5A-0821​ បើកបរដោយបុរសម្នាក់ធ្វើដំណើរបញ្ច្រាស់ទិសគ្នាពេញទំហឹង​ បណ្ដាលឲ្យរថយន្តស្ទូចដាច់កង់មុខនិងធុងប្រេងចេញពីរថយន្តហូរប្រេងពេញផ្លូវ​ ចំណែករថយន្តក្រឡុកសុីម៉ង់ត៍រងការខូចខាតយ៉ាងដំណំ សំណាងល្អមិនមានអ្នករបួស។
​ ក្រោយកើតហេតុ​ សមត្ថកិច្ចមូលដ្ឋានបានមកដល់សហការជាមួយសមត្ថកិច្ចជំនាញចរាចរណ៍ប្រចាំខណ្ឌ​ដង្កោ​ ធ្វេីការវាស់វែងស្ទូចយករថយន្តទាំង២គ្រឿងទៅរក្សាទុកនៅការិយាល័យចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ​ រង់ចាំដោះគ្នានៅពេលក្រោយ៕​

ដោយ​ ៖​ ភារ៉ា​ ដង្កោ​