ស្ថាប័នបាល់ទាត់ទ្វីបអឺរ៉ុប UEFA បានប្រកាសថា ក្លិបនៅអឺរ៉ុបអាចចុះឈ្មោះយកកីឡាករដែលមានសិទ្ធិអតិបរមា២នាក់ពីក្លិបរុស្ស៊ី និងអ៊ុយក្រែនសម្រាប់ការប្រកួតដែលនៅសល់ក្នុងការប្រកួតជម្រុះទ្វីបអឺរ៉ុបក្នុងឆ្នាំនេះ ក្រោមការលុកលុយរបស់រុស្ស៊ីលើអ៊ុយក្រែន។

ស្ថាប័នគ្រប់គ្រងពិភពលោក FIFA កាលពីដើមខែនេះបានអនុញ្ញាតឱ្យកីឡាករបរទេស និងគ្រូបង្វឹកចាកចេញពីក្លិបរុស្ស៊ី និងអ៊ុយក្រែនជាបណ្តោះអាសន្ន ហើយចុះហត្ថលេខាសម្រាប់ក្រុមថ្មីដោយសារតែវិបត្តិនេះ។គណៈកម្មាធិការប្រតិបត្តិ UEFA បានប្រកាសនៅក្នុងសេចក្តីថ្លែងការណ៍មួយដោយសម្រេចចិត្តធ្វើវិសោធនកម្មបទប្បញ្ញត្តិនៃក្របខ័ណ្ឌ UEFAChampions League ឆ្នាំ២០២១-២០២២, UEFA Europa League ២០២១-២០២២ និង UEFA Europa Conference League ២០២១-២០២២ ហើយអនុញ្ញាតឱ្យក្លិបចុះឈ្មោះកីឡាករដែលមានសិទ្ធិថ្មីចំនួន២នាក់យ៉ាងច្រើនបំផុត។គណៈកម្មាធិការប្រតិបត្តិរបស់ UEFA បានសម្រេចចិត្តរួមបញ្ចូលការផ្តល់ការអនុញ្ញាតឱ្យក្លិបចុះឈ្មោះអតិបរមានៃកីឡាករបន្ថែមចំនួន២នាក់ ដែលពីមុនត្រូវបានចុះឈ្មោះជាមួយក្លិបមានទំនាក់ទំនងជាមួយ UAF ឬ FUR ហើយកិច្ចសន្យារបស់ពួកគេត្រូវបានព្យួរ ។

វិសោធនកម្មនេះក៏នឹងអនុវត្តចំពោះក្រុមដែលប្រកួតប្រជែងក្នុងក្របខ័ណ្ឌ Women’s Champions League ផងដែរ ៕ (រូបភាព ៖ Reuters/CNA)