ភ្នំពេញៈ ជនសង្ស័យ២នាក់មានជំនាញខាងដើរលួច(កាច់កញ្ចក់រថយន្ត) ត្រូវកម្លាំងនគរបាលខណ្ឌប្ញស្សីកែវ ឃាត់ខ្លួននៅថ្ងៃទី២៧ ខែមីនា ឆ្នាំ២០២២ វេលាម៉ោង០៣និង៣០នាទីទៀបភ្លឺ នៅចំណុចផ្ទះលេខ១D ផ្លូវបេតុង ក្រុមទី៦ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនរងគ្រោះជាម្ចាស់រថយន្តឈ្មោះ កុសល ច័ន្ទស័ក្តិវិទូ ភេទប្រុស អាយុ២៩ឆ្នាំ មុខរបរអាជីវករ មានទីលំនៅកន្លែងកេីតហេតុ។
ចំណែកជនសង្ស័យទី១-ឈ្មោះ ម៉ា ដារ៉ា ភេទប្រុស អាយុ២៧ឆ្នាំ មុខរបរគ្មាន មានទីលំនៅផ្ទះជួល ក្នុងភូមិ៧ សង្កាត់ស្រះចក ខណ្ឌដូនពេញ (ប្រេីប្រាស់សារធាតុញៀន)។ ជនសង្ស័យទី២- ឈ្មោះ ផុន ច័ន្ទឧត្តម ភេទប្រុស អាយុ២៨ឆ្នាំ មុខរបរគ្មាន មានទីលំនៅមិនពិតប្រាកដ (ប្រេីប្រាស់សារធាតុញៀន)
- សម្ភារៈដកហូត៖
១- កញ្ចក់រថយន្តចំនួន០១ (ប្រគល់ជូនជនរងគ្រោះវិញហើយ)
២- រណារអារដែកចំនួន០១កំណាត់
៣- ទួណឺវីសចំនួន០១
៤- សោខ្សៀលេខ៨ ចំនួន០១
៥- ម៉ូតូមួយគ្រឿងម៉ាកសង់ការ៉េ ពណ៌ក្រហម គ្មានស្លាកលេខ លេខម៉ាស៉ីន CT១០០E១៩៦៤១៦១។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា នៅថ្ងៃកេីតហេតុខាងលេី ជនសង្ស័យ០២នាក់ខាងលើបានជិះម៉ូតូមួយគ្រឿងចេញពីម្តុំមន្ទីរពេទ្យកាល់ម៉ែតក្នុងគោលបំណងដេីរលួចទ្រព្យសម្បត្តិប្រជាពលរដ្ឋ។ ពេលមកដល់ចំណុចកេីតហេតុបានឃេីញរថយន្តមួយគ្រឿងចតមុខផ្ទះ ជាឱកាសស្ងាត់ជនសង្ស័យឈ្មោះ ម៉ា ដារ៉ា បានចុះពីលេីម៉ូតូទៅធ្វេីសកម្មភាពលួចកាច់កញ្ចក់រថយន្តមួយចំហៀងខាងឆ្វេងបានសម្រេចបម្រុងជិះម៉ូតូគេចខ្លួន ស្របពេលកម្លាំងសមត្ថកិច្ចល្បាតខណ្ឌ-ប៉ុស្តិ៍ ឃេីញទាន់ក៏ដេញតាមឃាត់ខ្លួនជនសង្ស័យទាំង០២នាក់បានរួមនឹងវត្ថុតាង។
ចំពោះមុខនេះសមត្ថកិច្ចនៃអធិការដ្ឋាននគរបាលខណ្ឌឫស្សីកែវបានកសាងសំណុំរឿងបញ្ជូនតាមនីតិវិធីច្បាប់៕
ដោយ៖ ជីណា
