ប្រធានសហព័ន្ធកីឡាបាល់ទាត់ប្រទេសទួរគីលោក Nihat Ozdemir បានលាលែងពីតំណែងកាលពីថ្ងៃអង្គារ ដោយសហព័ន្ធបានប្រកាសថាជិត២សប្តាហ៍បន្ទាប់ពីប្រទេសទួរគីបរាជ័យក្នុងការទទួលបានកៅអីទៅកាន់World Cup ប្រទេសកាតាឆ្នាំនេះ។

លោក Ozdemir បានគ្រប់គ្រងស្ថាប័នបាល់ទាត់ទួរគីតាំងពីខែមិថុនា ឆ្នាំ២០១៩ ហើយអាណត្តិរយៈពេល២ឆ្នាំរបស់គាត់នឹងបញ្ចប់ក្នុងរយៈពេល២ខែ។ លោកមានវ័យ៧១ឆ្នាំបានរងការរិះគន់ចំពោះការខកខានក្នុងការយល់ព្រមជាមួយអ្នកផ្សាយលើកិច្ចព្រមព្រៀងសម្រាប់រដូវកាលខាងមុខនេះ។ សេចក្តីថ្លែងការណ៍របស់សហព័ន្ធកីឡាបាល់ទាត់ទួរគីមិនបានបង្ហាញពីហេតុផលសម្រាប់ការលាលែងពីតំណែងរបស់លោកOzdemir នោះទេ។ក្តីសង្ឃឹមរបស់ប្រទេសទួរគីក្នុងការចូលរួមក្នុងការប្រកួតបាល់ទាត់ពិភពលោកឆ្នាំ២០២២ ដែលនឹងធ្វើឡើងក្នុងប្រទេសកាតាបានបញ្ចប់កាលពីខែមុន បន្ទាប់ពីចាញ់ក្រុមព័រទុយហ្គាល់ ដែលជាលើកទី៥ជាប់ៗគ្នាដែលប្រទេសនេះបានបរាជ័យក្នុងការទទួលបានសិទ្ធិសម្រាប់ព្រឹត្តិការណ៍បាល់ទាត់ពិភពលោក។

ទួរគីរីករាយនឹងការឡើងទៅកាន់វគ្គពាក់កណ្តាលផ្តាច់ព្រ័ត្រកាលពីឆ្នាំ២០០២ ដែលជាការបង្ហាញខ្លួនចុងក្រោយរបស់ប្រទេសនេះក្នុងការប្រកួតដោយចាញ់ក្រុមប្រេស៊ីល ១-០ មុនពេលផ្តួលសហម្ចាស់ផ្ទះកូរ៉េខាងត្បូង ៣-២ ដើម្បីដណ្តើមបានចំណាត់ថ្នាក់លេខ៣ ៕ (រូបភាព ៖ Reuters/CNA)