ភ្នំពេញ៖ សម្តេចចៅហ្វាវាំង គង់ សំអុល អនុប្រធានអចិន្ត្រៃយ៍កាកបាទក្រហមកម្ពុជា តំណាងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានដឹកនាំកិច្ចប្រជុំគណៈកម្មាធិការ រៀបចំទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ខួបលើកទី១៥៣ នៅរសៀលថ្ងៃទី២៩ ខែមេសា ឆ្នាំ២០១៦ នៅទីស្នាក់ការកណ្តាលកាកបាទក្រហមកម្ពុជា។

កិច្ចប្រជុំដ៏សំខាន់នេះ ជាផ្នែកមួយនៃការជួយពន្លឿនអ្វីដែលនៅសេសសល់នៃការងារភារកិច្ចរបស់អនុគណៈកម្មការទទួលផ្នែកនីមួយៗឱ្យចប់សព្វគ្រប់ ដើម្បីការឱ្យប្រារព្ធទិវាពិភពលោកកាកបាទក្រហម អឌ្ឍចន្ទក្រហម ៨ឧសភា ខួបលើកទី១៥៣ នៅថ្ងៃទី៨ ខែឧសភា ឆ្នាំ២០១៦ ទទួលបានលទ្ធផលល្អប្រសើរជាងបណ្តាឆ្នាំកន្លងទៅ៕

ដោយ៖ សុខ ខេមរា