ខ្សែបម្រើ Jacob Ramsey របស់ក្លិប Aston Villa បានចុះកិច្ចសន្យាថ្មីជាមួយក្លិបដែលមានសុពលភាពរហូតដល់ឆ្នាំ២០២៧។

កីឡាករវ័យ២០ឆ្នាំរូបនេះបាននៅជាមួយក្លិប Aston Villa តាំងពីគាត់មានអាយុ៦ឆ្នាំ ហើយបានបង្ហាញខ្លួនជាក្រុមដំបូងរបស់គាត់ក្នុងការប្រកួត Championship ជាមួយ West Bromwich Albion ក្នុងខែកុម្ភៈ ឆ្នាំ២០១៩។កីឡាករជម្រើសជាតិអង់គ្លេសអាយុក្រោម២១ឆ្នាំរូបនេះបានបង្ហាញខ្លួន៣០ប្រកួតនៅ Premier League សម្រាប់ក្រុម Aston Villa នៅរដូវកាលនេះ ដោយស៊ុតបញ្ចូលទីបាន៦គ្រាប់។Ramsey បាន​និយាយ​ថា​ “​វា​ជា​ឱកាស​ដ៏​មោទនភាព​មួយ​សម្រាប់​ខ្ញុំ ជាពិសេស​សម្រាប់​គ្រួសារ​របស់ខ្ញុំ​។ ខ្ញុំបាននៅទីនេះយូរហើយ មកតាមសាលា ហើយចុះកុងត្រារយៈពេល៥ឆ្នាំទៀតនៅក្លិបនេះ”។Ramsey បានបន្ថែមថា “ខ្ញុំគិតថាមនុស្សគ្រប់គ្នាដឹងថាម្ចាស់ Christian Purslow (នាយកប្រតិបត្តិ និង មានមហិច្ឆតាធំ។ ដូច្នេះ​ខ្ញុំ​គិត​ថា​ជាក់ស្តែង​គឺ​ការ​លេង​បាល់ទាត់​អឺរ៉ុប។ ផែនការរបស់ខ្ញុំសម្រាប់រយៈពេល៥ឆ្នាំខាងមុខគឺចង់ឱ្យក្លិបនេះលេងបាល់ទាត់អឺរ៉ុបម្តងទៀត” ។

ក្លិប Aston Villa ដែលគ្រប់គ្រងដោយអតីតខ្សែបម្រើជម្រើសជាតិអង់គ្លេស និង Liverpool លោក Steven Gerrard ស្ថិតនៅលំដាប់ទី១៥ក្នុងក្របខ័ណ្ឌ Premier League ៕ (រូបភាព ៖ BBC Sport)