ខេត្តបន្ទាយមានជ័យ ៖ នៅព្រឹកថ្ងៃពុធ ទី១ ខែមិថុនា ឆ្នាំ២០២២នេះ លោកបោន ប៊ិន អនុប្រធានក្រុមការងារចុះមូលដា្ឋនស្រុកមង្គលបុរី ប្រធានក្រុមការងារចុះមូលដ្ឋានឃុំចំណោម បានអញ្ជេីញជាអធិបតីក្នុងកិច្ចប្រជុំបូកសរុបនិងសន្និដ្ឋានវាយតម្លៃលទ្ធផលការងារនៃការចុះយុទ្ធនាការឃោសនាបោះឆ្នោតឃុំ សង្កាត់ អាណត្តិទី៥ ឆ្នាំ២០២២ ។
មានប្រសាសន៍នាឱកាសនោះ លោកបោន ប៊ិន បានថ្លែងអំណរគុណនិងកោតសរសេីរចំពោះក្រុមការងារ សមាជិក-សមាជិកាគណបក្សប្រជាជនកម្ពុជានៅមូលដ្ឋានឃុំចំណោមដែលបានខិតខំយ៉ាងសស្រាក់សស្រាំចុះជាប់ជាមួយបងប្អូនប្រជាពលរដ្ឋនៅមូលដ្ឋានដោយមិនខ្លាចនឿយហត់។
លោកបានបន្តថា គណបក្សប្រជាជនកម្ពុជាដែលមានសម្ដេចតេជោ ហ៊ុន សែន ជាប្រធាន ជាង៤០ឆ្នាំកន្លងមកនេះ ដោយសារតែមានការជឿទុកចិត្តនិងគាំទ្រពីប្រជាជនកម្ពុជាទូទាំងប្រទេសបានបោះឆ្នោតជូនគណបក្សប្រជាជនកម្ពុជារហូតដល់ពេលបច្ចុប្បន្ននេះ ធ្វើឱ្យប្រទេសជាតិមានការរីកចម្រេីនលើគ្រប់វិស័យ។
លោកបោន ប៊ិន បានបញ្ជាក់ទៀតថា គណបក្សប្រជាជនកម្ពុជានៅតែបន្តប្តេជ្ញាចំពោះមុខប្រជាជនថា គណបក្សប្រជាជននឹងអនុវត្តគោលនយោបាយរបស់ខ្លួនឱ្យបានជោគជ័យដើម្បីរក្សាសន្តិភាព ស្ថិរភាព សន្តិសុខ សណ្តាប់ធ្នាប់ សុវត្ថិភាពសង្គមឱ្យបានរឹងមាំ និងលើកកម្ពស់ការផ្តល់សេវាសាធារណៈ បង្កើនកិច្ចគាំពារសង្គមជួយជនក្រីក្រ និងអភិវឌ្ឍឃុំ សង្កាត់លើគ្រប់វិស័យឱ្យកាន់តែរីកចម្រើនបន្ថែមទៀត ដែលជាការឆ្លើយតបទៅនឹងបំណងប្រាថ្នា និងផលប្រយោជន៍ដ៏ឧត្តុង្គឧត្តមរបស់ប្រជាជនគ្រប់ៗរូបនៅគ្រប់មូលដ្ឋាន។
លោកក៏បានអំពាវនាវទៅដល់ប្រជាពលរដ្ឋដែលមានឈ្មោះក្នុងបញ្ជីបោះឆ្នោត ត្រូវអញ្ជើញទៅចូលរួមបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២ ដែលនឹងឈានមកដល់នាពេលខាងមុខនេះឱ្យបានគ្រប់ៗគ្នាផងដែរ ៕
ដោយ៖ ស សម
