ខេត្តកំពង់ស្ពឺ៖យ៉ាងហោចណាស់មនុស្សពីរនាក់បានស្លាប់ភ្លាមៗនៅនឹងកន្លែងខណះដែរគ្រោះថ្នាក់ចរាចរណ៍នេះកើតឡើងពីរកន្លែងផ្សេងគ្នានៅយប់ថ្ងៃទី៨ខែមិថុនាឆ្នាំ២០២២។

នគរបាលក្រុងច្បារមនបានឲ្យដឹងថាករណីទីមួយនៅតាមបណ្តោយផ្លូវជាតិលេខ៤ចន្លោះគីឡូម៉ែត្រលេខ៥១.៥២ត្រង់ចំណុចភូមិញរ សង្កាត់កណ្តាលដុំ ក្រុងច្បារមន រវាងរថយន្តមួយគ្រឿងម៉ាក់ ដេវូ ពណ៌សរលាយខៀង ពាក់ផ្លាកលេខភ្នំពេញ ៣.F.៨៩៨២ សណ្តោងកន្ទុយរឺម៉ក់ដឹកសុីទែនប្រេងពាក់ផ្លាកលេខ.៤.A៩៧២៨។
អ្នកបើកបរមិនស្គាល់អត្តសញ្ញាណបានចុះរត់គេចខ្លួនក្រោយកើតហេតុបើកបរពីទិសខាងលិចទៅទិសខាងកើតមកដល់ចំណុចកើតហេតុខាងលើបានបុកជាមួយម៉ូតូគ្រឿងម៉ាកហុងដាសេ៧០គុបជ្រុងពណ៌ទឹកប៊ិចគ្មានគ្មានផ្លាកលេខបើកបរពីទិសខាងកើតទៅទិសខាងលិចបុកកិនជនរងគ្រោះភេទប្រុសអាយុជាង៣៤ឆ្នាំ
មិនស្គាលអត្តសញ្ញាណបានស្លាប់ភ្លាមៗនៅនឹងកន្លែង។
ប្រភពបានបន្តទៀតថាករណីគ្រោះថ្នាក់ទីពីរកើតឡើងនៅតាមណ្តោយផ្លូវជាតិលេខ៤៤ចន្លោះគីឡូម៉ែត្រលខ១.២ត្រង់ចំណុចភូមិបុរីកម្មករ សង្កាត់ច្បារមន ក្រុងច្បារមន មានរថយន្តមួយគ្រឿងម៉ាកសាំយ៉ុងពណ៌លឿងពាក់ផ្លាកលេខកំពង់ស្ពឺ២A ៣៨៤៤អ្នកបើកបរមិនស្គាលអត្តសញ្ញាណបានចុះរត់គេចខ្លួនក្រោយកើតហេតុបេកបរពីទិសខាងត្បូងទៅទិសខាងជើងមកដល់ចំណុចកើតហេតុខាងលើ។
បានបុកម៉ូតូមួយគ្រឿងម៉ាកហុងដាសេ១២៥សេរី២០០៨ពណ៌ខ្មៅគ្មានផ្លាកលេខអ្នកបើកបរមិនស្គាល់អត្តសញ្ញាណភេទប្រុសអាយុជាង៣០ឆ្នាំបានស្លាប់ភ្លាមៗនៅនឹងកន្លែងបើកបរពីទិសខាងជើងទៅទិសខាងត្បូង។
សពជនរងគ្រោះទាំងពីរនាក់តម្កល់នៅក្នុងមន្ទីពេទ្យបង្អែករងចាំស្រាវជ្រាវរកសាច់ញ្ញាតិមកយកទៅធ្វើបុណ្យតាមប្រពៃណី។
វត្ថុតាងរថយន្តពីរគ្រឿងនិងម៉ូតូពីរគ្រឿងយកទៅរក្សាទុកនៅការិយាល័យផ្លូវគោកចរាចរណ៍ខេត្តកំពង់ស្ពឺរងចាំដោះស្រោយនៅពេលក្រោយ៕

ដោយ៖ចន្ទ លីហ្សា