ក្លិបបិសាចក្រហម Manchester United រំពឹងថា ខ្សែប្រយុទ្ធឆ្នើម Cristiano Ronaldo នឹងក្លាយជាផ្នែកមួយនៃក្រុមរបស់ពួកគេនៅរដូវកាលក្រោយ បើទោះបីជាមានរបាយការណ៍ទាក់ទងគាត់ជាមួយក្លិបតោខៀវ Chelsea ក៏ដោយ។ភ្នាក់ងាររបស់ខ្សែប្រយុទ្ធព័រទុយហ្គាល់លោក Jorge Mendes បានជួបជាមួយប្រធានក្លិបតោខៀវលោក Todd Boehly កាលពីសប្តាហ៍មុន ហើយ Ronaldo ត្រូវបានគេនិយាយថា ជាផ្នែកនៃកិច្ចពិភាក្សា។ប្រភពរបស់ Man United មានអារម្មណ៍ថា មិនមានអ្វីអាក្រក់នៅក្នុងកិច្ចប្រជុំនោះទេ ខណៈដែល Mendes ផ្តល់យោបល់ដល់កីឡាករកំពូលៗមួយចំនួនធំ។ ពួកគេ​ប្រកាន់​ជំហរ​ថា កីឡាករ​វ័យ៣៧ឆ្នាំ​រូបនេះ​មិន​សម្រាប់​លក់​ទេ។ខ្សែប្រយុទ្ធដែលឈ្នះ Ballon d’Or ៥សម័យរូបនេះ នៅសល់រយៈពេល១ឆ្នាំទៀតលើកិច្ចសន្យានៅ Old Trafford របស់គាត់ ហើយត្រូវបានគេរំពឹងថា នឹងក្លាយជាតួអង្គសំខាន់ក្នុងក្រុមរបស់អ្នកចាត់ការថ្មីលោក Erik ten Hag សម្រាប់រដូវកាលខាងមុខនេះ។Ronaldo ជា​កីឡាករ​ម្នាក់​ក្នុង​ចំណោម​កីឡាករ​តិច​តួច​ដែល​គេច​ផុត​ពី​ការ​រិះគន់​យ៉ាង​ខ្លាំង​នៅ United កាល​ពី​ឆ្នាំ​មុន។

យ៉ាងណាក៏ដោយ ទោះបីជាគាត់បានបញ្ចប់ក្នុងចំណាត់ថ្នាក់លេខ៣ក្នុងតារាងកីឡាករដែលប្រជែងស្បែកជើងមាសរបស់ Premier League ជាមួយនឹង១៨គ្រាប់ក៏ដោយ ក៏មានការអះអាងថា វត្តមានរបស់គាត់បានរារាំង United ពីការទទួលយកការប្រកួតដែលមានសម្ពាធខ្ពស់ ដែលរួមចំណែកដល់ទម្រង់ដ៏គួរឱ្យសោកស្តាយរបស់ពួកគេ ៕ (រូបភាព ៖ BBC Sport)